• Perezida Kagame yatangiye urugendo rw’Akazi muri Guinée-Conakry

Kuri  uyu wa kabiri  tariki ya 11 Ugushyingo 2025 nibwo Perezida wa Repubulika Paul Kagame  yatangiye  urugedo rw’akazi muri Guinée –Conakry.

Muri  uru rugendo rw’Iminsi ibiri Perezida Kagame azifatanya na mugenzi we  wa Guinée Conakry Mamadi Doumbouya gutangiza ku mugaragaro umushinga munini  wo gutunganya amabuye  y’agaciro ya Fer wa Simandou Iron Ore.

Ibi  birombye bya Simandou biravugwa y’uko aribyo bya mbere  bifite  amabuye y’agaciro ya Fer menshi kw’isi hose , bikaba biri  mu majyepfo y’uburasirazuba bwa Guinée ukaba  ufite agaciro nka  Miliyari 23 z’amadorali ndetse hakaba hari no kubakwa  inzira ya Gari ya Moshi ifite  uburebure bwa Kilometero 600 ndetse  n’icyambu  kizafasha kugeza ayo mabuye  ku isoko  mpuzamahanga

Umushinga wo gutunganya aya mabuye y’agaciro uzaba wuzuye mu 2030, uruganda rwa Simandou ruzaba rufite ubushobozi  bwo gutunganya toni zigera kuri miliyoni 120 za ‘Fer’.

K Munsi  we wa kabiri w’urugendo rwe biteganyijwe ko Perezida Kagame na Doumbouya bazafungura ku mugaragaro inama nyafurika ya TAS (Transform Africa Summit) iganirirwamo uko iterambere rya Afurika ryakwihutishwa.

Muri iyi nama itegurwa n’umuryango Smart Africa Alliance, Perezida Kagame n’abandi bazayitabira bazaganira ku ikoreshwa ry’ubwenge buhangano (AI) mu guhanga ibishya bizana impinduka muri Afurika no ku Isi muri rusange.

Abayobozi n’abahanze ibishya bazaganira ku ikoreshwa rya AI mu guteza imbere ubukungu bwa Afurika, gukomeza urwego rw’imiyoborere no kongera imbaraga mu guhanga ibishya.

Like This Post?

• Share On:

Related Posts

---