Yanditswe na: NDAYISENGA Clement
28/11/2025 16:53
Kuri uyu wa Kane, tariki ya 27 Ugushyingo 2025, mu Mudugudu wa Gatimba, mu Kagari ka Bugaragara, mu Murenge wa Shyorongi, mu Karere ka Rulindo, hafatiwe umugabo witwa Mbonigaba Alphonse w'imyaka 48 y'amavuko, wari umaze iminsi ashakishwa akekwagwaho kwica Nzabonimana Straton amukubise majagu mu mutwe agahita atoroka.
Icyaha akurikiranyweho yagikoze ku wa Kabiri, tariki ya 25 Ugushyingo 2025, mudugudu wa Gicumbi, mu Kagari ka Rurenge, mu Murenge wa Mbogo, mu Karere ku Rulindo, mu Ntara y'Amajyaruguru.
Kugeza ubu Mbonigaba Alphonse, afungiye kuri Sitasiyo y'Urwego rw'Igihugu rw'Ubugenzacyaha (RIB) ya Shyorongi, mu gihe dosiye ye igitunganywa kugira ngo ishyikirizwe Ubushinjacyaha.
Icyaha uregwa akurikiranyweho giteganywa kandi kigahanishwa ingingo ya 107 y’ Itegeko No 68/2018 ryo ku wa 30/08/20218 rigena ibyaha n’ibihano muri rusange. Nikimuhama azahanishwa igihano cy’igifungo cya burundu.
