Yanditswe na: NSANZABERA Jean Paul
06/12/2025 12:30
Nyuma y'uko The Ben agaragaye mu birori bya Zacu Gala byaraye bihuje ibyamamare muri sibema ndetse no mu muziki ariki agahita agenda byihuse uyu muhanzi yahise yerekeza i Dubai
The Ben wari umaze iminsi ategerejwe mu Mujyi wa Dubai aho agomba gukorera igitaramo kuri uyu wa 6 Ukuboza 2025, yahageze mu gitondo ahabwa ikaze n’abarimo DJ Flix wari wahageze mbere ye.
Byari byitezwe ko The Ben agera i Dubai mbere y’uyu munsi, icyakora biza guhindurwa n’uko yari yemereye ubuyobozi bwa Zacu Entertainment kwitabira ibirori bya Zacu Gala byabaye mu ijoro ryo ku wa 5 Ukuboza 2025.
Nyuma y’ibi birori atanabashije kurangiza, The Ben yahise afata indege yerekeza i Duba, ahageze ahita ajyanwa kuri hoteli mbere y’uko atangira imyiteguro yo gususurutsa Abanyarwanda batuye ndetse banakorera muri uyu mujyi.
Byitezwe ko The Ben ava mu mujyi wa Dubai ahita ataha i Kigali aho agomba gukomereza imyiteguro y’igitaramo cya ‘The New Year Groove’ kizamuhuriza ku rubyiniro na Bruce Melodie ku wa 1 Mutarama 2026.
