Umuraperi P.Fla yeretswe urukundo n’urukumbuzi nawe atanga ibyishimo mu gitaramo yakoreye ku mihanda yakuriyeho i Nyamirambo.


Mu ijoro ryo kuri uyu wa Kabiri nibwo umuhanzi Hakizimana Umurerwa Amani wamamaye nka P.Fla, yataramiye i Nyamirambo mu byiswe Kigali People's Festival bigamije gususurutsa abatuye uyu mujyi n'abitabiriye inama ya CHOGM.


Uyu muhanzi wari ukumbuwe na benshi mu bakuzni ba muzika, yatungutse ku rubyiniro ari kumwe n'umuraperi Glory Majesty wamufashaga.


P.Fla yaririmbye nyinshi mu ndirimbo ze zakanyujijeho mu minsi yashize harimo nka 'Akabindi k'umurozi' 'Ntuzankinishe' 'Naguhaye imbaraga' n'izindi.


Uyu musore ukunze kwiyita umutagatifu wa Nyarugenge, nubwo yishimiwe ariko byagaragaraga ko atacyibuka neza amagambo ya zimwe muri izi ndirimbo ze dore ko inyinshi zimaze imyaka itari munsi y'umunani.


Yafashwaga ku rubyiniro na Glory Majesty nawe wishimiwe bikomeye kubera ubuhanga yagaragaje mu kurekura imirongo binyura benshi mu bari aho.


P.Fla uzwiho kutaripfana, ubwo yari agiye kuririmba indirimbo ye yise Zahabu, yatunze urutoki abasanzwe bategura ibitaramo bikomeye nk'ibi kumwirengagiza ariko aho bamuhera umwanya agaragaza itandukaniro nabo bahoza ku ibere. Yagize ati “Zahabu igihe bazamenya agaciro ke azabereka itandukaniro n’abo bahoza ku ibere.”


Ubwo P Fla yari i Nyamirambo, Chriss Eazy uri mu bakunzwe na we yari ari gususurutsa abantu ku Gisimenti i Remera.






















Comments
Comments
{{c.name}} ({{c.dat}})

{{c.comment}}

{{r.name}} ({{r.dat}})

{{r.reply}}

Post Your Comment

2020 © All Rights Reserved | Designed and Developed by Smarteyeapps