22:00:02
BPlus Tv
Super Fresh
Rwanda Form
KeySoft
Matelas Dodoma
Tanzania: Ingendo za Kenya Airways zahagaritswe
Yanditswe na: DUSHIMIMANA Elias
2024-01-15 18:59:31 Ubukerarugendo
Kuri uyu wa Mbere tariki ya 15 Mutarama 2024, Nibwo Ubuyobozi bw’Ikigo gishinzwe indege za gisivile muri Tanzania, bwatangaje ko bwahagaritse ingendo zose Sosiyete ya Kenya ikora ubwikorezi bwo mu kirere, Kenya Airways yagiriraga muri iki gihugu.
Ni amakuru yamenyekanye bijyuze mu itangazo iki kigo cyashyize hanze cyavuze ko iki cyemezo kizatangira gukurikizwa ku wa 22 Mutarama mu 2024.
Iki cyemezo cya Tanzania cyafashwe nko kwihorera kuko Kenya yari imaze iminsi yanze ko indege itwara imizigo ya Air Tanzania, yazajya ikora ingendo ziva i Nairobi zijya mu bindi bihugu.
Tanzania yavuze ko iki cyemezo cya Kenya gihonyora ibigenwa n’amasezerano yo gufunguranira ikirere ibihugu byombi byashyizeho umukono mu 2016.
