16:40:29
BPlus Tv
Super Fresh
Rwanda Form
KeySoft
Matelas Dodoma
Perezida Paul Kagame yagiranye ibiganiro n'Umuyobozi Mukuru wa TotalEnergies n'uwa MTN
Yanditswe na: DUSHIMIMANA Elias
2024-05-17 15:15:45 Amakuru
Nyakubahwa Perezida wa Repubulika y'u Rwanda, Paul Kagame, yagiranye ibiganiro n'abayobozi barimo Umuyobozi Mukuru w’ikigo TotalEnergies gitunganya peteroli na gazi, Patrick Pouyanné n’Umuyobozi w’Inama y’ubutegetsi y’ikigo cy’itumanaho, MTN Group, Mcebisi Jonas, aho byibanze ku kugeza ikoranabuhanga hose.
Patrick Pouyanné wa TotalEnergies yaje mu Rwanda kwitabira inama y’ihuriro nyafurika ry’abayobozi b’ibigo by’abikorera, Africa CEO Forum iri kubera i Kigali guhera kuri uyu wa 16 Gicurasi 2024.
Yaganiriye na Perezida Kagame ku bufatanye buri hagati y’iki kigo cy’Abafaransa n’u Rwanda mu nzego zitandukanye zirimo ingufu, ikoreshwa ry’umuriro w’amashanyarazi mu binyabiziga n’uburezi Nk’uko Ibiro by’Umukuru w’Igihugu, Village Urugwiro, byabisobanuye.
Umuyobozi w’Inama y’Ubuyobozi ya MTN Group, Mcebisi Jonas na we waje kwitabira iyi nama nyafurika, yari kumwe n’Umuyobozi Mukuru w’iki kigo, Ralph Mupita.
Inama y’ihuriro nyafurika ry’abayobozi b’ibigo byigenga yitabiriwe n’abantu barenga 2000, barimo abashoramari n’abayobozi b’ibigo by’ishoramari n’abakuru b’ibihugu na za guverinoma.
