18:33:33
BPlus Tv
Super Fresh
Rwanda Form
KeySoft
Matelas Dodoma
RwandAir igiye guhagarika ingendo ikorera muri Afurika y'Epfo
Yanditswe na: DUSHIMIMANA Elias
2024-09-18 07:46:31 Ubukerarugendo
Kuri uyu wa Kabiri tariki ya 17 Nzeri 2024, Nibwo Sosiyete Nyarwanda y’Ubwikorezi bwo mu Kirere, RwandAir, yatangaje ko igiye guhagarika ingendo ziva n’izijya mu Mujyi wa Cape Town muri Afurika y’Epfo.
Iki cyemezo cyatangajwe binyuze ku rubuga rwa X rwa RwandAir, kivuga ko kizatangira gushyirwa mu bikorwa ku wa 27 Ukwakira 2024.
Iri tangazo ryashyizwe hanze ntiryasobanuye impamvu z’iki cyemezo ariko rikavuga ko abagenzi bafite tike za nyuma y’iyi tariki yavuzwe haruguru basabwe kwegera iyi sosiyete kugira ngo bafashwe.
Mu 2018 ni bwo RwandAir yari yatangije ingendo zigana mu Mujyi wa Cape Town muri Afurika y’Epfo, ariko indege yabanje kunyura i Harare muri Zimbabwe, ifata cyangwa isiga abagenzi.
Bitangajwe nyuma yuko iyi Sosiyeti ihagaritse ingendo yakoreraga mu Mujyi wa Mumbai mu Buhinde.
