03:28:37
BPlus Tv
Super Fresh
Rwanda Form
KeySoft
Matelas Dodoma
Indege yakoze impanuka irashwanyagurika biteza impfu z'abatari bake
Yanditswe na: DUSHIMIMANA Elias
2024-12-25 10:47:02 Ubukerarugendo
Mu gitondo cyo kuri uyu wa Gatatu tariki 25 Ukuboza 2025, Nibwo Indege yari itwaye abagenzi 67 ivuye muri Azerbaijan yerekeza mu Majyepfo y’u Burusiya, yakoze impanuka igeze mu gace ka Kazakh.
Iyi ndege ya Azerbaijan Airlines ifite ibirango bya J2-8243, yari iturutse mu Murwa Mukuru wa Azerbaijani, Baku, yerekeza ahitwa Grozny mu Burusiya, kamwe mu duce tugeze Chechnya nkuko ikinyamakuru gbnews.com dukesha iyi nkuru kibitangaza.
Amakuru akomeza avuga ko muri iyi ndege hari harimo abagenzi 62 n’abakozi batanu bo mu ndege. Urwego rushinzwe ingendo muri Kazakhstan rwatangaje ko mu bagenzi bari bayirimo, hari 37 bo muri Azerbaijan, batandatu bo muri Kazakhstan, batatu bo muri Kyrgyzstan na 16 bo mu Burusiya.
Abantu 25 nibo barokotse aho muri bo, 22 bari kuvurwa mu bitaro.
