• Tanzania itsinze Macau ibitego 6-0, yegukana umwanya wa 3 muri FIFA Series 2026

Ikipe y’igihugu ya Tanzania, izwi nka Taifa Stars, yasoje amarushanwa ya FIFA Series mu buryo budasanzwe, itsinda Macau ibitego 5-0 mu mukino waranzwe n’ubuhanga buhanitse cyane

Uyu mukino wabaye nk’isomo rikomeye ku ikipe ya Macau, aho Tanzania yagaragaje umukino ushingiye ku gusatira cyane, guhererekanya neza umupira no gutsinda neza ibitego, ibintu byayihesheje intsinzi ikomeye.

Tanzania yatangiye umukino isatira cyane, igaragaza ko ishaka gutsinda hakiri kare. Iyi mikino myiza yatanze umusaruro ku munota wa 16, ubwo igitutu gikomeye cyatewe na Taifa Stars cyatumaga umukinnyi wa Macau, Amâncio, yitsinda igitego bituma Tanzania ifungura amazamu.

Iki gitego cyahise giha icyizere n’imbaraga abakinnyi ba Tanzania, batangira gukina bafite icyizere cyinshi no kugenzura umukino.

Hashize iminota 10 gusa, ku munota wa 26, Tanzania yongeye kwerekana ubuhanga bwayo. Ku mupira mwiza watanzwe na M. Abraham, Novatus Miroshi afatanyije na Bakari Mwamnyeto batsinze igitego cya kabiri,

Iki gitego cyagaragaje ubufatanye n’ubwumvikane bukomeye hagati y’abakinnyi ba Tanzania, ndetse n’ubushobozi bwo gukoresha neza amahirwe babonye imbere y’izamu.

Macau yagerageje kwisubiraho, ariko ntiyashoboye kwihagararaho imbere y’umuvuduko n’imbaraga bya Tanzania, yakomeje kwiharira umukino kuva utangiye kugeza urangiye.

Mu gihe igice cya mbere cy’umukino cyendaga kurangira, Tanzania ntiyigeze igabanya umuvuduko. Yakomeje gusatira cyane, ishaka kongera ibitego mbere yo kujya kuruhuka.

Ku munota wa 45, mbere gato y’uko igice cya mbere kirangira, M. Yahya yatsinze igitego cya gatatu, abikesheje umupira mwiza yari ahawe na C. M’Mombwa. Ibi byatumye Taifa Stars ijya kuruhuka ifite imbere y’ibitego 3-0, ibintu byahaye icyizere gikomeye abafana n’abakinnyi.

Mu gice cya kabiri, umukino wakomeje mu murongo umwe, aho Tanzania yakomeje kotsa igitutu Macau nta gahenge. Ku munota wa 56, C. M’Mombwa yongeye kwigaragaza atanga umupira wavuyemo igitego, cyatsinzwe na P. Peter, bituma biba 4-0.

Umukinnyi witwaye neza kurusha abandi muri uyu mukino, Novatus Miroshi, na we ntiyagarukiye aho. Ku munota wa 74, yatsinze igitego cye cya kabiri muri uyu mukino, nyuma yo guhabwa umupira mwiza na F. Salum. Ibi byarushijeho gushimangira ubuhanga bwe n’uruhare rwe rukomeye muri iyi ntsinzi.

Mu gihe umukino wari umaze gufata icyerekezo, T. Allarakhia yatanze ibyishimo ku munota wa 87, atsinda igitego cya gatandatu, gishyira akadomo ku ntsinzi ikomeye ya 6-0.

Nubwo Taifa Stars itabashije kwegukana umwanya wa mbere muri aya marushanwa, iyi ntsinzi ikomeye yagaragaje ko ari ikipe ikomeye ishobora guhangana n’andi makipe ku rwego mpuzamahanga.

Gusoza amarushanwa begukanye umwanya wa gatatu muri ubu buryo bushimishije, bigaragaza umutima ukomeye n’ubushake bwo kwitwara neza, bikaba biha icyizere gikomeye abafana babo ku hazaza h’iyi kipe.

 

Like This Post?

• Share On:

Related Posts

---