• RDB na REMA birahamagarira abashomari guhatanira isoko ryo kwita ku bishanga byo muri Kigali

 

Urwego rw’Igihugu rw’Iterambere (RDB) ku bufatanye n’Ikigo cy’Igihugu gishinzwe Kubungabunga Ibidukikije (REMA), byashyize hanze itangazo rihamagarira abafatanyabikorwa kuza guhatanira amasoko yo gucunga no gushora imari mu bishanga bitanu biri gutunganywa mu Mujyi wa Kigali, mu rwego rwo kubihindura ibice bikomeye by’ubukerarugendo, imyidagaduro no kurengera ibidukikije.

Iri tangazo ryashyizwe ahagaragara kuri uyu wa 25 Kamena 2026, rihamagarira ibigo byigenga, imiryango itari iya Leta, ibigo by’ishoramari ndetse n’amahuriro y’ibigo (consortiums) bifite ubushobozi bwo guhatanira gucunga Pariki z’ibishanga bya Nyabugogo, Gikondo, Kibumba, Rwampara na Rugenge-Rwintare biri kuvugururwa.

Iri tangazo rivuga ko abazatoranywa bazaba bafite inshingano zo gucunga ibi bishanga mu buryo burambye, hagamijwe ko bikomeza kubungabungwa ariko bikanatanga umusaruro mu bukungu.

Abifuza aya masoko basabwa kugaragaza ubushobozi bwa tekiniki, ubukungu n’ubuyobozi, byabafasha gucunga neza ibikorwa remezo, abakozi, umutekano ndetse no kurinda urusobe rw’ibinyabuzima ruri muri ibi bishanga.

Bazanasabwa gutegura uburyo burambye bwo kubona no gucunga amafaranga akoreshwa mu bikorwa by’izi pariki, bagaragaza uko zizajya zinjiza amafaranga ndetse n’aho izindi nkunga zishobora guturuka.

Uyu mushinga uri mu bikorwa by’icyerekezo cya Kigali 2050, ugamije gutunganya ibishanga bifite ubuso bwa hegitari 491 kugira ngo bibe ahantu ho kuruhukira, gusabana no kurengera ibidukikije.

Biteganyijwe ko nibura 25% by’ubuso bw’ibi bishanga bizahoraho bibungabunzwe nk’ahantu nyaburanga hagenewe kurengera urusobe rw’ibinyabuzima no gutanga serivisi z’imyidagaduro ku baturage.

Igishanga cya Gikondo n’icya Kibumba byitezweho kwakira ibikorwa byinshi by’ubucuruzi n’imyidagaduro birimo resitora, amaduka, ibibuga by’imyitozo ngororamubiri, aho kunywera icyayi n’ikawa, parikingi, ahabera ibikorwa rusange, ibyuzi by’amafi, ibibuga by’imikino y’amaboko, ubusitani bw’indabo ndetse n’ishuri ryigisha guteka.

Ku rundi ruhande, igishanga cya Nyabugogo gifite ubuso bwa hegitari 131 kizatunganywa mu buryo buzagihindura nk’ikiyaga gito cy’ubukerarugendo, aho abazagisura bazajya bagenda mu mato mato, bakaruhukira ahabugenewe, bakagurira ibiribwa n’ibinyobwa ndetse bakifashisha amaduka na parikingi zizahubakwa.

Ibishanga bya Nyabugogo, Kibumba, Gikondo, Rwampara na Rugenge-Rwintare byatangiye gutunganywa muri Werurwe 2024.

Kugeza mu ntangiriro za Kamena 2026, icyiciro cya mbere cy’imirimo cyari kigeze kuri 94%, kikaba cyaratwaye miliyoni 32 z’Amadolari ya Amerika, zashowe cyane mu gutunganya ubutaka n’ibikorwaremezo by’ibanze.

Icyiciro cya kabiri kizashorwamo miliyoni 48 z’Amadolari ya Amerika, kikazibanda ku kubaka ibikorwa by’ubucuruzi n’imyidagaduro birimo resitora, inzu z’ubucuruzi, amasomero, parikingi, ibibuga bya siporo n’ahandi hazajya hakira ibikorwa bitandukanye by’abaturage n’abakerarugendo.

Abasesenguzi bavuga ko gutoranya abafatanyabikorwa bazacunga ibi bishanga ari intambwe ikomeye izafasha guhindura Kigali umwe mu mijyi ya Afurika ihuza iterambere n’ibikorwa byo kubungabunga ibidukikije n’urusobe rw’ibinyabuzima, ubukerarugendo n’imibereho myiza y’abaturage, mu gihe ibikorwa byo kubitunganya

 

Like This Post?

• Share On:

Related Posts

---