04:36:58
BPlus Tv
Super Fresh
Rwanda Form
KeySoft
Matelas Dodoma
Inyubako Makuza Peace Plaza yafashwe n’inkongi y'umuriro
Yanditswe na: DUSHIMIMANA Elias
2024-07-03 08:33:21 Amakuru
Mu gitondo cyo kuri uyu wa Gatatu tariki 3 Nyakanga 2024, Nibwo Inyubako yitwa Makuza Peace Plaza iherereye mu mujyi wa Kigali yafashwe n’inkongi.
Bamwe mu baturage baganiriye na BTN, bavuze ko iyi nkongi yafashe iyi nyubako ku gice cyo hasi, bavuze ko ishobora kuba yatewe n'umuriro w'amashanyarazi cyangwa Gas.
Umuvugizi wa Polisi y’u Rwanda ACP Rutikanga Boniface yatangarije Ikinyamakuru btnrwanda.com ko inkongi yafashe iyi nyubako mu gitondo, Ishami rishinzwe kuzimya inkongi ryihutiye gutabara ndetse ko kugeza ubu hataramenyekana icyaba cyateye iyi mpanuka.
Yagize ati "Ishami rishinzwe kuzimya inkongi ryihutiye kuhagera kugira ngo barebe niba nta bantu n’ibintu bari muri iyo nyubako kugira ngo batabarwe hakiri kare".
Kugeza ubu ntabwo haramenyekana ibyangijwe n’iyi nkongi amakuru arambuye araza gutangazwa bimaze kubarurwa dore ko iperereza ryahise ritangira ngo hamenyekane icyayiteye.
