Perezida Yoweri Museveni yakize Covid-19 nyuma yiminsi 11 ayirwaye

Kuri iki Cyumweru tariki ya 19 Kamena 2023, Nibwo Perezida Yoweri Museveni wa Uganda yafashwe ibipimo byagaragaje ko nta Covid-19 afite mu mubiri nyuma y’iminsi 11 ari mu kato kubera iyo ndwara.

Ku itariki ya 07 Kamena 2023 Nibwo Museveni yishyize mu kato yuma yuko asanzwemo iki cyorezo.

Kwandura kwe ntibiramenyekana mu nama zose yahuriragamo n’abantu batandukanye, yagaragaraga ari kure yabo kandi yambaye agapfukamunwa.

Nta wundi muntu wo mu muryango we cyangwa wo mu biro bye wigeze atangazwa ko yanduye Covid-19.

Kuva covid-19 yatangazwa nk’icyorezo mu myaka itatu ishize, nibwo bwa mbere Museveni w’imyaka 78 bivuzwe ko ayirwaye.