• Abahanga muby’ubuzima bahanze amaso AI

U Rwanda rwagaragararije Abaminisitiri b’Ubuzima, Abahanga udushya mu ikoranabuhanga, Abashakashatsi n’Abahanga mu by’ubuvuzi, Abaminisitiri mu nzego zitandukanye n’Abanyepolitiki n’abandi bafitye aho bahuriye n’ubuzima ko ikoranabuhanga ry’ubwenge buhangano (AI) ribonwa nk’amahirwe ya Afurika mu guhangana n’ibizabo bimwe na bimwe  byugarije ubuzima.

Abaminisitiri b’Ubuzima, abahanga udushya mu ikoranabuhanga, abashakashatsi n’abahanga mu by’ubuvuzi, Abaminisitiri mu nzego zitandukanye n’Abanyepoliki n’abandi bafitye aho bahuriye n’ubuzima bagaragaje ko ikoranabuhanga ry’ubwenge buhangano (AI) ribonwa nk’amahirwe ya Afurika mu guhangana n’ibizabo byugarije ubuzima.

Ni ibyagarutsweho kuri uyu wa 13 Ukwakira 2025, mu nama y’iminsi itatu iteranye ku nshuro ya kane, yahurije hamwe abarenga 1.800 bakora muri izo nzego aho  bari kwigira  hamwe uko hatezwa imbere Ikoranabuhanga mu Buvuzi bw’Afurika (Africa HealthTech Summit).

Iyo nama y’iminsi itatu iteranye ku nsanganyamatsiko igira iti: “Ubuvuzi budaheza, Gushyigikira Udushya tugamije Ubuvuzi kuri Bose.”

Abayitabiriye bagaragaje ko ikoranabuhanga rya AI rishobora kubaka inzego z’ubuzima mu byiciro bitandukanye kandi bitewe n’aho Isi igeze ubu buri wese arifite mu biganza kandi ashobora kuribyaza umusaruro mu buryo ubwo ari bwo bwose.

Minisitiri w’Ubuzima w’u Rwanda Dr. Nsanzimana Sabin, yagaragaje ko buri wese iryo koranabuganga arifite mu ntoki mu gihe afite telefone na interineti, kandi ari bwo buryo bushoboka bwo kuziba bimwe mu byuho bikigaragara mu buvuzi muri Afurika.

Yavuze ko AI izahindura imibereho y’Abanyafurika kuko yifitemo ubushobozi bwo gukora ibintu byinshi icyarimwe bikaba ari imbarutso yo gukemura ibibazo by’ubuke bw’abanganga n’ibindi byugarije umugabane.

Yagize ati: “AI ni yo mpinduka ikomeye ku Isi, ubu ni ugukoresha ikoranabuhanga utarindiriye kujya kubaza umuntu ku giti cye ukaba wabishyira hamwe ugasuzuma abantu benshi noneho abarwayi benshi ukabavurira icyarimwe. AI iragaragara nk’aho ari igisubizo kuko nko muri Afurika twari dufite ibibazo by’abaganga bake ni yo mpamvu tugomba kuyitaho.”

Minisitiri Dr. Nsanzimana yavuze ko hakenewe Politiki zishyigikira ukwihutisha ikoranabuhanga rigezweho no kwimakaza ibisubizo bya tekinolojiya bifasha gutahura indwara z’ibyorezo, kwihutisha serivisi z’ubuvuzi mu kurushaho kunoza urwego rw’ubuzima muri Afurika.

Yashmangiye ko hakenewe akamaro k’abakozi bahawe amahugurwa, Politiki zoroshya urugendo rw’iterambere, n’ubufatanye bukomeye kugira ngo harusheho kubyaza umusaruro udushya tugenda tuvuka kandi dutanga umusaruro uvugurura.

Iyi nama yahuje abasaga 2.500 barimo impuguke n’abanyepolitiki bakomeje kurebera hamwe uburyo ikoranabuhanga rishobora gufasha mu guhindura serivisi z’ubuvuzi ku Mugabane wa Afurika.

Like This Post?

• Share On:

Related Posts

---