Yanditswe na: TUYIZERE Mubaraka
28/11/2025 11:46
Umuyobozi wa APR FC Brig Gen Deo Rusanganwa, yavuze ko abafana biyi kipe bakwiye kwihanganira kuba ititwara neza ku ruhando mpuzamahanga, nkuko abafana ba RayonSports bihanganira kumara igihe idatwara ibikombe.
Ibi Brig.Gen Deo Rusanganwa yabitangaje ubwo yaganiraga na Isibo , avuga ko abakunzi ba APR FC, bakwiye kwihangana ikubaka uburyo buzatuma igera ku rwego rwo guhangana ku rwego mpuzamahanga, cyane cyane ku isi hose umupira akenshi utagenda uko ubishaka, ndetse ko ahanini kuba ushora byinshi bidasobanuye guhita ubona umusaruro.
Yatanze ingero ku makipe yo ku mugabane w'unurayi , avuga ko amakipe nka Liverpool, Manchester United, nandi atandukanye ashora amafaranga meshi , ariko ubu mu kibuga bikaba bitari kugenda neza , avuga ko akababaro kabo akumva ariko baba bakwiye kwihangana.
Brig.Gen Deo Rusanganwa yavuze ko abafana bakwiye kwihangana ikipe izongera gutsinda nkuko byahoze
Abajijwe niba amarira n'amagambo abafana bavuga atabatera igitutu Afande Deo yagize ati" kujera amarangamutima y'abantu biragoye ,wamugani hari abiyahura ariko mu Rwanda sindamubona , ariko njya numva mu bihugu by'abaturanyi abantu biyahuye ikipe yatsinzwe , ibyo bintu ntaho namenya ukuntu nabijera, gusa icyo nababwira , kubaka bigira aho bihera" .
Yakomeje agira ati Manchester United imaze imyaka ingahe idatwara ibikombe? kandi muzi amafaranga itanga, ni icyerekana ko abafana bacu, bashatse babanza bakareba , siporo yacu itandukanye n'izindi? ni kimwe n'izindi , niyompamvu n'ibitubaho n'abandi bibabaho, kuba rero umufana yahangayika cyane, azahangika pe".
Abafana ba APR FC bagaragaye barira ayo kwarika ubwo iyi kipe yari imaze gutsindwa na Musanze FC
Mu ngero yatanze yagarutse no kuri mucyeba Rayon Sports, avuga ko imaze igihe idatwara ibikombe ariko igihe kizagera ikabitwara ati" none se abafana ba Rayon Sports baziyice , reba imyaka bamaze badatwara ibikombe ,ariko bagomba kwihangana , buriya bazageraho babitware , yavuze ko hari ibihe bibaho , ikope ikananirwa gutsindwa, avuga ko abafana bakwiye kubabazwa nuko wenda APR FC ntacyo irimo gukora gifatika , vuga ko ubu badakwiye kubabara kuko haribyo barimo kubaka.
Like This Post? Related Posts
