• Umushoramari Jaffer yemeje ko ariwe papa w’umwana wa Sheebah Karungi

Umushoramari n’umukora ibikorwa byo gutegura ibitaramo mu Bwongereza, Jaffer, yashyize yatangaje  amakuru yatunguye benshi mu bafana n’abakurikiranira hafi iby’ibyamamare muri Uganda, ubwo yemezaga ku mugaragaro ko yabyaranye umwana w’umuhungu n’umuhanzikazi Sheebah Karungi.

Ibi yabitangaje  abinyujije mu butumwa yashyize  ku mbuga nkoranyambaga, butuma abafana benshi bacika ururondogoro ndetse ndetse batangira kuvuga byinshi ku mubano w’aba bombi, wari utarigeze uvugwaho cyane mu itangazamakuru.

Yagize ati” “Alhamdulillah ku bw’umwaka mwiza  Uyu munsi ndishimira umugisha wanjye ukomeye kurusha iyindi, ibyishimo byanjye, amahoro yanjye n’impamvu y’ubu buzima. Binsubiza ubuzima mu buryo amagambo atashobora gusobanura.”

Sheebah Karungi, umwe mu bahanzi b’abagore bakunzwe cyane muri Uganda ndetse bakomeye muri Afurika y’Iburasirazuba, ntiyahise atangaza ibisobanuro birambuye ku byavuzwe na Jaffer.

Nyamara abafana benshi bahise bibaza niba koko uyu mwana ari we mpamvu umuhanzi aherutse kugabanya ibihe by’imirimo asohoka mu ruhame.

Kugeza ubu, nta yandi makuru arambuye yatangajwe n’impande zombi, ariko ibyatangajwe na Jaffer bikomeje kuba inkuru iri kuvugwa cyane mu itangazamakuru rya Uganda no ku mbuga nkoranyambaga by’umwihariko.

 

Like This Post?

• Share On:

Related Posts

---