Yanditswe na: TUYIZERE Mubaraka
30/11/2025 12:31
Ntagungira Celestin "Abega" wabaye umusifuzi mpuzamahanga, akanayobora Ferwafa, yayigarutsemo nk'umuyobozi wa komite ishinzwe gutegura icyerecyezo cya Ferwafa mu myaka 5 iri imbere.
Uyu mugabo wayoboye Ferwafa imyaka 2 kuva muri 2011 , gatowe na komite nyobozi ya Ferwafa ,nk'umuyobozi wa komite ishinzwe gutegura icyerecyezo cyiri shyirahamwe mu myaka 5 iri imbere , mubo ayoboye harimo Nikita Gicanda usanzwe uyobora komisiyo y'iterambere ry'umupira w'abagore, Bonni Mugabe uheruka kugirwa umunyamabanga mukuru wa Ferwafa , na Gérard Buscher usanzwe ari umuyobozi wa tekinike.
Ntagungira Celestin yabaye umusifuzi ukomeye ndetse yasifuye igikombe cy'isi
Abandi bari muri iyi komite ni Aber Taremwa, umunyamakuru Bagirishya Jean de Dieu uzwi nka Castal , Thierry Nshuti na Murangwa Eugéne, wabaye umukinnyi ukomeye w'ikipe y'igihugu y'u Rwanda "Amavubi".
Ferwafa kandi yashyizeho komite ishinzwe gukurikirana ibikorwa remezo,iyobowe na Jean Bosco Birungi usanzwe ari perezida wa Vision FC, iyi komite kandi irimo Hadji Yussuf Mudaheranwa usanzwe perezida w'inama y'ubutegetsi ya Rwanda Premier League , Raul Gisanura nawe wabaye umusifuzi ukomeye , Urayeneza John uyobora Gicumbi FC, Desire Niyitanga uyobora komisiyo y'amarushanwa muri Ferwafa, na Viviane Kayitesi.
Ferwafa yashyizeho komite zitandukanye
Like This Post? Related Posts
