Yanditswe na: TUYIZERE Mubaraka
03/12/2025 21:43
Yannick Mukunzi yatangaje ko yatandukanye n'ikipe ya Sandvikens IF yo mu gihugu cya Suwede, ikipe yari amazemo imyaka 6, avuga ko vuba atangaza aho yerekeje.
Yannick Mukunzi wakiniye ikipe y'igihugu y'u Rwanda, yageze muri Sandvikens IF muri 2019 , uyu musore wari uvuye muri Rayon Sports, yafashije iyi kipe kuva mu cyiciro cya 3, ijya mu cyiciro cya 2, mu butumwa yanyujije ku rukuta rwe rwa Istagram , Yannick yavuze ko bigoye gusezera iyi kipe afata nk'umuryango, kuko kuva yahagera bamwakiriye neza ndetse bamweretse urukundo.
Yannick Mukunzi yagiye aba umukinnyi ikipe ya Sandvikens IF igenderaho
Yavuze ko ibyo yahigiye bizamufasha mu yindi ntambwe agiye gutera, Yannick Mukunzi yakiniye ikipe ya APR FC ari nayo yakuriyemo, aza kwerekeza muri Rayon Sports, uyu musore yarari mu ikipe ya Rayon Sports yageze muri 1/4 muri CAF Confederations Cup, ibintu bitari byarakozwe n'indi kipe, Yannick kandi yakiniye Amavubi , gusa akaba yarakunze kurangwa n'imvune zanatumye ubu atagihamagarwa.
Yannick yatangaje ko urugendo rwe muri Sandvikens IF rwashyizweho akadomo
Like This Post? Related Posts
