Yanditswe na: TUYIZERE Mubaraka
08/12/2025 09:46
Ikipe y'igihugu y'u Rwanda ya basketball abakina ari 3x3, yabaye iya 3 mu gikombe cya Africa mu bagabo mu gihe abagore batahanye umwanya wa 4.
Ni imikino yari imaze iminsi 3 ibera muri Madagascar , kuva taliki ya 5 Ukuboza kugeza taliki ya 7 Ukuboza uyu mwaka , ikipe y'igihugu y'abagabo yari yatsinze ikipe y'igihugu ya Zambia muri 1/4 amanota 21-13, mu gihe ikipe y'abagore yo yari yatsinze imikino yayo yose mu itsinda ihita ijya muri 1/2.
Muri 1/2 abagabo batsinzwe na Misiri amanota 22-12, gusa batsinda ikipe y'igihugu ya Algeria 21-13, mu guhatanira umwanya wa 3, abagore batsinzwe na Misiri muri 1/2 amanota 21-12, bongera gutsindwa na Kenya amanota 14/11 , basoza irushanwa ari aba 4 mu bihugu 10 byari byitabiriye .
Ikipe y'igihugu y'u Rwanda y'abagabo yegukanye umwanya wa 3 mu gikombe cya Africa
Ikipe y'igihugu ya Madagascar niyo yegukanye ibikombe mu bagabo n'abagore, hombi batsinze ikipe y'igihugu ya Misiri, mu gihe ibihugu nka Uganda bititwaye neza yasoje mu myanya ya nyuma , ni kunshuro ya 2 yikurikiranya u Rwanda rutwaye umudari muri iyi mikino, mu bagabo.
