Yanditswe na: TUYIZERE Mubaraka
21/01/2026 10:36
Impuzamashyirahamwe y'umupira w'amaguru muri Afurika CAF, yagabanyije ibihano by'imikino 3 yari yahaye rutahizamu wa Al Hilal SC Jean Claude Girumugisha, bijya ku mukino umwe gusa.
Uyu musore yari yahagaritswe imikino 3, azira guteza imvururu ku mukino ikipe ye Al Hilal SC yari yatsinzemo MC Alger, ku munsi wa mbere w'amatsinda ya CAF Champions league, umukino wabereye kuri Stade Amahoro, ubwo uyu mukino warangiraga , habaye imvururu zikomeye hagati y'amakipe yombi, iperereza riza kugaragaza ko izo mvururu zatejwe na Girumugisha.
Jean Claude Girumugisha (No7) ni umwe mu bakinnyi Al Hilal SC igenderaho
CAF yahise ihanisha uyu musore w'Umurundi guhagarikwa imikino 3, ndetse acibwa amande y'ibihumbi 5 by'amadorali ya America, ikipe ya Al Hilal SC yajuririye iki cyemezo , ndetse kuri ubu ikaba yatangaje ko ibihano byaganijwe ,uyu musore akaba azakina umukino, iyi kipe ifitanye na Mamelodi Sandowns , kuko hamaze gusiba umukino wa Saint-Élois Lupopo.
Like This Post? Related Posts
