Yanditswe na: TUYIZERE Mubaraka
29/01/2026 10:50
Umutoza w'ikipe y'igihugu ya Senegal Pape Thiaw yahagaritswe imikino 5, anacibwa amande y'ibihumbi 100 by'amadorali , kubera gukura abakinnyi mu kibuga , ku mukino wa nyuma w'igikombe cya Africa, mu gihe ishyirahamwe ry'umupira w'amaguru muri Morocco ryaciwe ibihimbi 200.
Impuzamashyirahamwe y'umupira w'amaguru muri Afurika CAF, ryatangaje ko ryafatiye ibihano abantu batandukanye, kubera imyitwarire mibi bagaragaje ku mukino wa nyuma w'igikombe cya Afurika, CAF yemeje ko umutoza w'ikipe y'igihugu ya Senegal Pape Thiaw , ahagarikwa imikino 5, ndetse akanatanga amande y'ibihumbi 100 by'amadorali ya America , uyu mutoza yazize kuba yarasabye ikipe ye kuva mu kibuga , nyuma yaho umusifuzi yari ahaye penalty ikipe y'igihugu ya Morocco .
Umutoza w'ikipe y'igihugu ya Senegal yahagaritswe imikino 5 anacibwa asaga million 150 z'amafaranga y'u Rwanda
Uretse Pape Thiaw abandi bahanwe niba rutahizamu 2 ba Senegal Iliman Ndiyaye , na Ismaila Sarr bahagaritswe imikino 2, bose bazira imyitwarire mibi bagaragaje kuri uyu mukino, uretse abanya Senegal , no ku ruhande rwa Morocco hari abahanwe, myugariro akaba na Captain wayo Achraf Hakim yahagaritswe imikino 2 , ariko harimo umwe usubitswe mu gihe cy'umwaka, mu gihe mugenzi we Ismael Saibari, we yahagaritswe imikino 3 anacibwa amande y'ibihumbi 100 by'amadorali .
Ishyirahamwe ry'umupira w'amaguru muri Senegal ryaciwe ibihimbi 300 by'amadorali ya America, nyuma y'imyitwarire mibi y'abafana bayo barwanye n'abashinzwe umutekano, ndetse umufana umwe n'ushinzwe umutekano umwe , bitabye Imana, Senegal kandi yaciwe ibihumbi 300, kubera imyitwarire mibi y'abakinnyi bayo, n'ibihumbi 15 byo kuba ikipe yabo yaritaye nabi muri rusange, byumvikana ko igomba gutanga ibihumbi 615 by'amadorali .
Ishyirahamwe ry'umupira w'amaguru muri Morocco, ryahanishijwe gutanga amande y'ibihumbi 200 by'amadorali ya America , kubera imyitwarire mibi y'abana bari bashinzwe kugarura imipira ku kibuga, aba bana bagiye bagaragara batwara amasume y'abanyezamu, nko kumukino wa Nigeria na Senegal, ndetse ku mukino wa Senegal ho byanateje imvururu, mu bihe bitandukanye,Morocco kandi yaciwe ibihumbi 100 byo kuba abakinnyi bayo baragaragaje imyitwarire mibi, banaciwe kandi ibihumbi 15 byo kuba abafana barakoresheje urumuri rutemewe ( lasers ) .
hari hitezwe ko CAF itanga ibihano biremereye , ku myitwarire mibi yaranze amakipe yombi ku mukino wa nyuma .
Achrah Hakim yahagaritswe imikino 2 irimo umwe usubitswe
Ismaila Sarr azasiba imikino 2 yo gushaka itike y'imikino ya nyuma y'igikombe cya Africa cya 2027
Ismael Saibari nyumanyo guhangana n'umuzamu wa 2 wa Senegal bapfa isume yahagaritswe imikino 3
Iliman Ndiyaye rutahizamu wa Everton nawe azasiba imikino 2 yo gushaka itike y'imikino ya nyuma y'igikombe cya Africa
Like This Post? Related Posts
