Yanditswe na: TUYIZERE Mubaraka
03/02/2026 10:00
Ikipe ya Etincelles FC yahagaritse Irmbona Masudi Djuma wari umutoza wayo, nyuma y'umusaruro mubi, no kuba abakinnyi batamushakaga.
Nyuma yo gutsindwa na Mukura V&L ku cyumweru taliki ya 1 Gashyantare, ikipe ya Etincelles FC yamaze guhagarika umutoza Masudi Djuma nabari bamwungirije, uyu mugabo yari amaze gutsinda umukino umwe gusa, akaba yari ku mwanya wa nyuma kurutonde rwa shampiyona.
Masudi Djuma yahagaritswe nyuma y'umusaruro mubi
Amakuru avuga ko abakinnyi ba Etincelles FC, bari bamaze iminsi basaba ubuyobozi kwirukana uyu mutoza, kuko batari bakimwifuza nk'umutoza wabo, mu cyumweru gishije, nibwo Etincelles FC hari yashyizeho Bizimana Abdou Bekeni , nk'umuyobozi wa Tekinike muri iyi kipe, akaba ubu ariwe ugiye gusigarana iyi kipe , mu gihe Masudi Djuma ataratandukana niyi kipe burundu , cyangwa ngo asubizwe mu kazi.
Bizimana Abdou "Bekeni" niwe ugiye gusigarana ikipe
Like This Post? Related Posts
