• RMC yasabye abanyamakuru ba Siporo kwirinda gusebanya

Urwego rw’Igihugu rw’Abanyamakuru bigenzura (RMC), rwahuye na bamwe mu bayobozi b’ibitangazamakuru, abayobozi b’ibiganiro bya siporo ndetse n’abanyamakuru biki gice bashakira hamwe umuti w’ibibazo bimaze iminsi byumvikana hagati yabo.

Iyi nama nyungurana bitekerezo yabaye tariki ya 18 Gashyantare 2026 ibera ku cyicaro cya RMC yayobowe n’Umuyobozi w’uru rwego, Mutesi Scovia.

Imwe mu myanzuro yafatiwe muri iyi nama nyunguranabitekerezo Abanyamakuru ba Siporo bemeye ko mu itangazamakuru harimo ikibazo gituma abarikora batakana hagati yabo aho gushyigikirana.

Uru rwego (RMC) yabibukije ko bagomba gukora kinyamwuga, kwirinda kubangikanya indi mirimo yo mu ikipe n’itangazamakuru, kwirinda amagambo asesereza kuri micro n’ibindi.

Aba banyamakuru biyemeje ko ibimaze iminsi hagati yabo bigiye guhagarara ubikoze akazabihanirwa harimo guhagarikwa amezi 3, kwamburwa ikarita y’itangazamakuru, guhagarikwa burundu mu mwuga n’ibindi.

Biyemeje ko bigiye guhagarara ubikoze akazabihanirwa harimo guhagarikwa amezi 3, kwamburwa ikirita y’itangazamakuru, guhagarikwa burundu mu mwuga n’ibindi.

Abanyamakuru bavuga cyangwa benderanye ku bandi batari bagenzi babo nk’abayobozi b’amakipe, abayobozi runaka, basabye bagenzi babo kwirinda kubyijandikamo ko uwavuzwe najya atanga ikirego bazajya bahana uwamuvuze.

Muri iyi nama Jado Castar yasabye RMC ko yabemerera nk’abanyamakuru ba siporo nka AJESPOR bazicarana bakishakamo andi mabwiriza abagenga yiyongera kuyo RMC yaberetse.

Iki cyifuzo cya Jado Castar cyemejwe ndetse nabo bagaragaza ko banyuzwe n’ibyavuye muri iyi nama nyunguranabitekerezo.

 

Like This Post?

• Share On:

Related Posts

---