• Asake yahishuye ko se atigeze amushyigikira mu muziki we

 Umuhanzi wo muri Nigeria, Ahmed Ololade wamenyekanye nka Asake, yatangaje ko se yamurwanyije cyane ubwo yatangiraga gukora umuziki .

Mu kiganiro aherutse kugirana n’umunyamakuru wo kuri YouTube Korty EO, uyu muhanzi wamamaye mu ndirimbo Sungba yavuze ko umubano we na se waje kuzamo agatotsi nyuma y’uko atamushyigikiye mu cyemezo cyo kwinjira mu muziki.

Asake yavuze ko yageze aho afata icyemezo cyo kwigenga, akava mu rugo nubwo se atabyemeye, kugira ngo akurikire inzozi ze.

Yagize ati: “Njye na papa twari dufitanye umubano mwiza nkiri muto. Ariko byaje kugera aho nshaka kuva mu rugo ngo nkore ibyo nkora ubu, papa arabyanga. Nashatse kugenda nubwo we yabyane yabyanze.”

Amakuru yatangajwe na Daily Post agaragaza ko muri Werurwe 2025, se wa Asake, Fatai Odunsi, yigeze kuvugwa cyane mu itangazamakuru ashinja umuhungu we kumwibagirwa no kutamwitaho.

Nyuma y’igitutu cy’abaturage n’ibitekerezo byinshi byavuzwe ku mbuga nkoranyambaga, Asake n’umubyeyi we baje kwiyunga, aho uyu muhanzi yemeye kongera kwita ku mibereho ya se.

 

Like This Post?

• Share On:

Related Posts

---