• Imikino / VOLLEYBALL

Yanditswe na DUSHIMIMANA Elias

Ku mugoroba wo ku wa Kane tariki ya 24 Kanama 2023 i Yaounde muri Cameroun, Nibwo hasozwaga irushanywa ry’Afurika muri Volleyball  mu cyiciro cy’abagore “Women’s African Nations Volleyball Championship 2023?  ryasize u Rwanda ku mwanya wa Kane.

Ni irushanwa ryasize ikipe ya Kenya yitwaye neza ikegukana igikombe nyuma yo gustindira ku mukino wa nyuma  ikipe ya Misiri amaseti 3-0 (25-22, 25-20 na 25-14).

Mu guhatanira umwanya wa gatatu, ikipe ya Cameroun yari ifite igikombe giheruka muri 2021 yatsinze u Rwanda amaseti 3-1 (21-25, 25-15,25-14 na 25-15).

Mbere y’iyi mikino ya nyuma habaye n’imikino yo guhatanira imyanya aho ikipe ya Algeria yegukanye umwanya wa 5 itsinze Nigeria amaseti 3-1 (25-18, 25-13, 23-25 na 25-17) naho Maroc yegukana umwanya wa 7 itsinze Uganda amaseti 3-1 (26-24,27-25, 24-26 na 25-22).

Ikipe ya Kenya yegukanye iki gikombe ku nshuro ya 10 (1991, 1993,1995,1997, 2005, 2007,2011, 2013, 2015  na 2023).

Yaherukaga kucyegukana muri 2015  naho inshuro 3 ziheruka cyari gifitwe n’ikipe ya Cameroun (2017, 2019 na 2021). 

Ikipe y’u Rwanda yakoze amateka kuko ni inshuro ya mbere isoreje mu makipe 4 ya mbere muri Afurika.


Dore uko amakipe yakurikiranye

Ikipe ya Kenya (1), Misiri (2), Cameroun (3), u Rwanda (4), Algeria (5), Nigeria (6), Maroc (7), Uganda (8), Mali (9), Burkina Faso (10), Buruni (11) na Lesotho (12).

Aya makipe atatu ya mbere , Kenya, Misiri na Cameroun yabonye itike yo kuzahagararira Afurika mu mikino ya nyuma y’igikombe cy’Isi muri 2025 “FIVB Volleyball Women’s World Championship 2025”  muri Vietnam.

Like This Post? Related Posts
Andika igitekerezo
Recent Comments