Yanditswe na: NSANZABERA Jean Paul
15/09/2026 13:07
Nelly Misago
Wilson, umuyobozi mukuru wa Zacu Entertainment n’umwe mu bantu bazwi cyane mu
guteza imbere uruganda rwa sinema n’imyidagaduro mu Rwanda, yashyizwe muri Komite
ishinzwe gutegura ibihembo bya Emmy Awards izwi nka IATAS
Misago
Wilson azwi cyane mu bikorwa byo gukora no guteza imbere filime n’ibiganiro bya
televiziyo bikorerwa mu Rwanda. Ni we washinze Zacu TV, urubuga rwibanda ku
bikubiyemo imyidagaduro mu Kinyarwanda, ndetse akaba yaragize uruhare mu ikorwa
rya filime zakunzwe nka Seburikoko, City Maid, Indoto, Ishusho ya Papa na Shuwa
Dilu.
Kuba Misago
Wilson yarashyizwe muri iyi Komite bifatwa nk’amahirwe akomeye ku Rwanda no ku
bakora umwuga wa sinema n’ibitangazamakuru, kuko bimushyira mu itsinda rifite
uruhare mu gutegura no guteza imbere kimwe mu bikorwa bikomeye byo guhemba
abanyamwuga bakora kuri televiziyo ku rwego mpuzamahanga.
Uyu mwanya kandi ushobora gufasha kurushaho kumenyekanisha impano n’ibikorwa by’abanyarwanda bakora muri sinema na televiziyo, cyane cyane ko Misago amaze imyaka myinshi akora mu bijyanye no gutunganya ibiganiro, kwandika no gukora filime. Zacu TV ubwayo yashinzwe nk’urubuga rwa VOD rwibanda ku bikorerwa mu Rwanda, nyuma iza kugurwa na Canal+ Group mu 2022.
