Yanditswe na: NSENGIYUMVA J Damascene
29/10/2026 16:03
Bamwe mu baturage batuye mu midugudu itatu yo mu Murenge wa Gahanga, mu Karere ka Kicukiro, barasaba kubakirwa iriba rishya nyuma y’uko iryo bakoreshaga risenywe n’amazi y’umuhanda n’aturuka ku mazu y’abaturage.
Aba baturage bavuga ko kuva iryo riba risenyutse, kubona amazi
meza yo gukoresha mu buzima bwa buri munsi byababereye ikibazo.
Basobanura ko amazi aturuka mu muhanda wa Kigali–Bugesera no ku
mazu yo muri ako gace yiroha muri ruhurura, bikagira ingaruka ku iriba bari
basanzwe bavomaho.
Bavuga ko bakeneye igisubizo kirambye kugira ngo bongere kubona
amazi meza hafi yabo, bityo birinde ingorane bahura na zo mu gushaka amazi yo
kunywa, guteka no gukoresha mu mirimo yo mu rugo.
Aba baturage barasaba inzego bireba kubafasha kubona irindi riba
cyangwa kubashakira ubundi buryo burambye bwo kubona amazi meza.
Like This Post? Related Posts
