• Imikino / FOOTBALL

Umuhanzi Senderi Hit yagiranye ibiganiro n’umukinnyi w’Ikipe y’Igihugu y’u Rwanda, Amavubi, Joy Lance Mickels, amushimira ku mpinduka zigaragara mu mikinire y’iyi kipe ndetse n’umuhate agaragaza igihe cyose ari mu kibuga.

Muri ibyo biganiro, Senderi yashimye uburyo Joy Lance Mickels akina afite ishyaka, imbaraga n’umurava, agaragaza ko imyitwarire ye mu kibuga no mu ikipe akinira hanze y’u Rwanda ari urugero rwiza.

Senderi kandi yagaragaje ko yishimira intambwe Amavubi amaze gutera mu mikinire, avuga ko amanota iyi kipe imaze kugira yayagezeho binyuze mu guhatana no kwitanga kw’abakinnyi.

Yashimangiye ko kubona Amavubi agaragaza imbaraga n’ishyaka mu mikino ari ikintu gishimishije ku bakunzi b’umupira w’amaguru mu Rwanda.

Ikindi cyatangaje Senderi ni uko yamenye ko Joy Lance Mickels atari umukunzi w’umupira w’amaguru gusa, ahubwo ko anashimishwa n’umukino wa Volleyball, kuko yari yagiye kuwureba.

Ibi biganiro byagaragaje ubusabane hagati ya Senderi Hit na Joy Lance Mickels, binagaruka ku iterambere ry’umupira w’amaguru nyarwanda n’uruhare rw’abakinnyi mu gutuma Amavubi akomeza gutera imbere.


 

Like This Post? Related Posts
Andika igitekerezo
Recent Comments