Volleyball: Captain w'ikipe y'igihugu y'uRwanda yamaze gusinyira ikipe yo muri Tunisia

Munezero Valentine wakiniraga ikipe ya APR Women Volleyball Club akaba na captain w'ikipe y'igihugu y'uRwanda y'abagore , yamaze gusinya umwaka umwe ushobora kongerwa mu ikipe ya CSS Sfaxien .

Ku gicamunsi cyo kuri uyu wa Kane, nibwo inkuru yamenyekanye ko uyu mukobwa uheruka kwitwara neza mu mikino y'igikombe cya Africa muri Volleyball cyabereye muri Cameron, yamaze kubengukwa n'iyi kipe ya Sfaxie yo muri Tunisia ndetse akaba yamaze gusinya umwaka umwe, ariko ushobora kongerwa mu gihe yaba yitwaye neza.

Valentine yatangiye urugendo rwo gukina hanze y'uRwanda 

Valentine wamaze guhaguruka yerekeza muri Tunisia agiye muri umwe mu makipe akuze cyane kuko Club sportif Sfaxien yashinzwe mu mwaka wi 1928, ikaba ariyo kipe ikomeye muri Tunisia, ikaba imaze gutwara ibikombe 8 bya Shampiona , ibikombe 9 by'igihugu n'ibikombe 5 biruta ibindi ( super cup ) , umwaka ushize w'imikino ikaba yarabaye iya 2 muri Shampiyona