09:16:42
BPlus Tv
Super Fresh
Rwanda Form
KeySoft
Matelas Dodoma
Mexique: Abimukira 32 bari bashimuswe barekuwe ari mutaraga
Yanditswe na: DUSHIMIMANA Elias
2024-01-05 06:35:44 Amakuru
Kuri uyu wa Kane tariki ya 04 Mutarama 2024, Nibwo Leta ya Mexique yatangaje ko abimukira 32 b’Abanya-Venezuela n’Abanya-Honduras bari bashimuswe n’abagabo bitwaje intwaro, mu majyaruguru ya Mexique ku mupaka wa Leta Zunze Ubumwe z’Amerika ku wa Gatandatu tariki 30 Ukuboza 2023, barekuwe ari bazima.
Ari kuri Televiziyo ya Milenio TV, Guverineri wa Leta ya Tamaulipas, Américo Villareal, yavuze ko bamenye umubare w’abari bashimuswe.
Yagize ati “Twaje kumenya ko abimukira bashimuswe bari 32”.
Perezida wa Mexique, Andres Manuel Lopez Obrador yatangaje ko abimukira bashimuswe ari 31, ariko ngo biza kugaragara ko ari 32, kuko hari umwana ufite umwaka umwe ugenda ateruwe na nyina utari wabazwe.
Iri shimutwa kandi ryanagarutsweho na Perezida wa Colombia, Gustavo Petro, abinyujije ku rubuga rwa X ku wa Kabiri tariki 2 Mutarama 2024, aho yari yavuze ko muri abo bimukira bashimuswe harimo n’Abanya-Colombia bane.
Abo bimukira ngo bari bashimuswe bari muri bisi yambukiranya imijyi yo ku mupaka wa Mexique, ya Reynosa na Matamoros.
