Umubare w'abanyamahanga bakina muri Shampiyona y'uRwanda wongerewe

Abanyamahanga bakina muri Shampiyona y'uRwanda bongerewe bava kuri 6 basanzwe bajya ku rupapuro rw'umukino bagirwa 8, mu gihe ikipe yemerewe kwandikisha abanyamahanga 12 , ku rutonde rw'abakinnyi 30 itanga muri FERWAFA.

Taliki 30 Nyakanga 2021, nibwo umubare w'abanyamahanga bakina mu Rwanda, wazamuwe bava ku bakinnyi 3, bajya ku bakinnyi 5, aba ni abakinnyi bemerewe kujya ku rupapuro rw'umukino, babanza mu kibuga cyangwa se hakaba harimo abashobora gusimbura , ikipe yari yemewe kwandikisha abanyamahanga ishaka, ariko ikaba itemewe kurenza abanyamahanga 5 ku mukino , umwaka ushize wa 2023, mbere yuko umwaka w'imikino utangira, byavuzwe ko uyu mubare ushobora kuzamuka ukagera ku bakinnyi 7 , gusa FERWAFA yaje kwanzura ko hongerwaho umukinnyi 1 , maze umubare w'abanyamahanga uba abakinnyi 6 , bemerewe kujya ku rupapuro rw'umukino.

Umurundi Jules Ulimwengu niwe mukinnyi watsinze ibitego byinshi muri Shampiyona mu Rwanda ,mu mwaka umwe w'imikino nyuma ya Genocide yakorewe abatutsi 

Amakuru ducyesha ikinyamakuru igihe.com, avuga ko kuri ubu abakinnyi ba banyamahanga , ikipe yemerewe gushyira ku rupapuro rw'umukino, bavuye kuri 6 bagirwa 8 , mu gihe ikipe itemerewe kurenza abakinnyi 12 ba banyamahanga ku rutonde rw'abakinnyi 30 itanga muri FERWAFA, ni kenshi abakunzi b'umupira w'amaguru, basabye ko hafungurwa amarembo , abanyamahanga bakemererwa ari benshi muri Shampiyona, kugirango izamure urwego , FERWAFA yashyizeho ingamba, ndetse n'amategeko agenga abanyamahanga baza gukina mu Rwanda, gusa iyo urebye ubona atarigeze akurikizwa .

Didjeke Maele ni umwe mu banyamahanga b'impfube baheruka kunyura mu Rwanda wnada

FERWAFA yari yashyizeho ibwiriza rivuga ko, umukinnyi w'umunyamahanga ,urengeje imyaka 30 agomba kuba amaze nibura imyaka itarenze 3, ahamagawe bwa nyuma mu ikipe y'igihugu cye, ariko benshi baza gukina mu Rwanda, usanga hatanazwi aho baturutse , ibintu bituma Shampiyona ikomeze ku guma ku rwego rwo hasi, yewe ukabona abenshi baje ntacyo umunyarwanda yabigiraho. 

Victor MBAOMA ni umwe mu beza bari muri Shampiyona y'uRwanda ubu ndetse niwe uyoboye abamaze gutsinda ibitego byinshi 

Hertier Luvumbu ni inkingi ya mwamba ya Rayon Sports