07:43:03
BPlus Tv
Super Fresh
Rwanda Form
KeySoft
Matelas Dodoma
Iraq: Umutwe wa Islamic Resistance wigambye guhanura drone y'igisirikare cya Amerika
Yanditswe na: DUSHIMIMANA Elias
2024-01-20 13:25:45 Amakuru
Ku wa Kane tariki ya 18 Mutarama 2024, Nibwo indege itagira Abapilote (drone) y’Igisirikare cya Leta Zunze Ubumwe za Amerika (USA) ubwo yari igeze mu bilometero 70, mu majyaruguru y’Umurwa Mukuru wa Iraq, Baghdad.
Ibiro Ntaramakuru by’Abafaransa, AFP dukesha iyi nkuru, byatangarijwe aya makuru n'umwe mu bayobozi bo mu gisirikare cya USA aho yatangaje ko abashinzwe umutekano muri Iraq babonye iyi ndege.
Gusa ku rundi ruhande, Umutwe witwaje intwaro wo muri Iraq, Islamic Resistance, kuri uyu wa Gatanu watangaje ko warashe ‘drone’ y’Abanyamerika yo mu bwoko bwa MQ-9 Reaper, ariko ntibiremezwa niba ari iyi iri gukorwaho iperereza.
Uyu mutwe, nk’uko ikinyamakuru RT cy’Abarusiya cyabitangaje, wagize uti “Abarwanira Islam ejo bagabye igitero kuri drone MQ-9 y’Abanyamerika.”
Ingabo za USA zaherukaga kugaba igitero cya drone muri Baghdad mu ntangiriro za Mutarama 2024, cyishe Umuyobozi w’Umutwe witwaje intwaro wa Harakat Hezbollah al-Nujaba, Mushtaq Jawad Kazim al-Jawari.
Iyi drone itagize uwo ikomeretsa cyangwa icyo yangiza, yakozwe n’Ikigo General Atomics, itangira koherezwa mu kirere mu 2001. Ikinyamakuru Forbes mu 2020 cyatangajwe ko ifite agaciro k’amadolari agera kuri miliyoni 32.
