01:56:42
BPlus Tv
Super Fresh
Rwanda Form
KeySoft
Matelas Dodoma
DRC: Umuseviri yishwe, babiri bapfira mu myigaragambyo
Yanditswe na: DUSHIMIMANA Elias
2024-03-05 09:20:00 Amakuru
Mu ijoro ryo kuri uyu wa Mbere tariki 04 Werurwe 2024, Nibwo mu mujyi wa Goma mu gace ka Mugunga ahazwi nko ku Kimashini habereye ubwicanyi bwakorewe umuseviri wishwe n’abagabo bambaye imyenda y’igisirikare cya Repubulika Iharanira Demokarasi ya Congo,FARDC.
Nyuma y'ubu bwicanyi hakurikiye imyigaragambyo ikaze yatumye umuhanda Goma-Sake ufungwa by'agateganyo kuva mu gitondo cyo kuri uyu wa 5 Werurwe abaturage n’abahunze imirwano ya M23 na FARDC bo mu nkambi ya CBCA bazindukiye mu myigaragambyo ikaze.
Abo baturage n’abahunze imirwano bavuga ko bakomeje kwicwa no kugirirwa nabi n’igisirikare cya Leta na Wazalendo.
Muri iyo myigaragambyo mu burakari bwinshi bahagaritse urujya n’uruza ku muhanda Goma-Sake.
Baravuga ko barambiwe ubwicanyi bumaze gufata indi ntera muri Mugunga no mu bindi bice byo mu mujyi wa Goma.
Kugeza ubu abantu babiri nibo bamaze kumenyekana ko baguye muri ubwo bugizi bwa nabi bwaherekejwe n’iyo myigaragambyo.
