02:57:24
BPlus Tv
Super Fresh
Rwanda Form
KeySoft
Matelas Dodoma
NEC yashimangiye intsinzi ya Perezida Paul Kagame
Yanditswe na: DUSHIMIMANA Elias
2024-07-18 19:03:04 Amakuru
Kuri uyu wa Kane tariki 18 Nyakanga 2024, Nibwo Komisiyo y’Igihugu y’amatora, yashimangiye ko Nyakubahwa Perezida wa Repubulika y'U Rwanda, Paul Kagame ari we wegukanye intsinzi mu matora y’Umukuru w’Igihugu yabaye mu ntangiriro z’iki cyumweru, ubwo yatangazaga by’agateganyo iby’ayavuyemo.
Amajwi y’agateganyo arerekana ko Kagame yagize amajwi 99.18%, ibisobanura ko amajwi ye yiyongereyeho 0.03% ugereranyije n’amajwi y’ibanze yari yatangajwe ku wa Mbere w’iki cyumweru.
Dr. Frank Habineza wa Democratic Green Party of Rwanda yagize 0.50% mu gihe Mpayimana Philippe wiyamamaje nk’umukandida wigenga yagize amajwi 0.32%.
Ibi bivuze nanone ko amajwi ya Dr Habineza yagabanutseho 0.3% ugereranyije n’ayari yatangajwe.
Perezida wa Komisiyo y’Amatora, Odda Gasinzigwa yatangaje ko ko mu Banyarwanda 9, 071, 157 bagombaga gutora, abatoye bose ari 8, 907, 876 bangana na 98.07%.
Yavuze kandi ko amatora yagaragayemo impfabusa zingana na 0.14%.
Imibare y’agateganyo irerekana kandi ko RPF Inkotanyi n’amashyaka bihuje na yo batsinze amatora y’abadepite ku majwi 68.83%.
Ni nyuma yo guhigika ishyaka PL ryabaye irya kabiri n’amajwi 8.86% cyo kimwe na PSD yagize 8.62%.
Amashyaka arimo irya Democratic Green Party of Rwanda, PDI na PS Imberakuri kuri iyi ncuro yose yananiwe kugeza ku majwi 5% amabwiriza asaba.
NEC ivuga ko amajwi ya burundu y’ibyavuye mu matora azatangazwa bitarenze tariki 20 Nyakanga 2024.
