Muhanga: Abaturage bibye umurambo w'umusore ikirombe kishe biteza imvururu

Abaturage bo mu Karere ka Kamonyi, bibye umurambo w'umusore w’Imyaka 21 y’amavuko wari umaze kugwirwa n'ikirombe gicukurwamo amabuye y’agaciro mu buryo butemewe , giherereye mu Mudugudu wa Gitega, Akagari ka Ngaru, Umurenge wa Nyarusange mu Karere ka Muhanga.

Amakuru avuga ko nyakwigendera witwa Byishimo Déogratias yaje gucukura amabuye y’agaciro mu buryo butemewe, ikirombe kimugwaho ahita yitaba Imana aturutse aho akomoka mu Mudugudu wa Murambi, Akagari ka Mutara, Umurenge wa Mwendo ho mu Karere ka Ruhango.

Abatanze ayo makuru bakavuga ko nyuma y’iyo mpanuka, haje abaturage bo mu Muryango we bakura umurambo muri icyo kirombe barawuheka bawujyana mu Mudugudu wabo wa Murambi nkuko Umuseke ubitangaza dukesha iyi nkuru.

Umwe yagize ati:’Abaturage bihutiye gukuramo umurambo vuba, barawuheka bawerekeza mu Murenge wa Mwendo’

Bavuga ko kuri ubu umurambo wa Byishimo Déogratias uri mu rugo kwa Mukakarera Sidoniya i Murambi mu gihe hategerejwe ko ujyanwa kwa Muganga gukorerwa isuzuma.

Gitifu w’Umurenge wa Nyarusange, Ndayisaba Aimable avuga ko babwiwe ko umurambo wa Nyakwigendera abaturage bawukuye mu kirombe bawujyana mu Kigo Nderabuzima cya Gishweru.

Ati:’Kubera ko impanuka yabaye tutayizi, twamenye ko bahise batwara umurambo’.