La Jeunesse FC yatsinze Unity SC mu mukino w'ishiraniro ikomeza kwanikira izindi

Uyu mukino watangiye ku isaha ya 03h35', watangiranye ingufu nyinshi ku mpande zombi, aho ikipe yari mu rugo ya La Jeunesse yatangiye isatira cyane Unity SC yo mu Karere ka Bugesera, urugero nko ku munota wa Kabiri habonetse koroneri ku ruhande rwa La Jeunesse ariko amahirwe ntiyabyazwa umusaruro.

Ku munota wa 9 La Jeunesse FC yatsinze igitego cya 1 cyatsinzwe na Niyotwizera Pacifique wakinaga nk'umusatirizi wanyuraga ku ruhande rw'iburyo.

Ikipe ya Unity SC ikimara gutsindwa, yabaye nk'ikangutse kuko ku munota wa 13 yahise yishyura ku gitego cyatsinzwe na Gumisiriza Sam wari wambaye nimero enye mu mugongo.Igice cya mbere cyarangiye amakipe yombi anganya igitego 1:1.

Mu gihe gito abakinnyi bahise bagaruka mu kibuga nabwo bakomereza ku gitutu cyinshi aho ku munota wa 52  umukino waje guhagarara ho gato nyuma yuko umuzamu wa Unity SC, Niyigena Jean Bosco agize ikibazo ubwo yagonganaga na rutahizamu w'ikipe ya La Jeunesse wari ugerageje gutsinda igitego.

Ku munota wa 83 ikipe ya La Jeunesse yaje kubona igitego cya kabiri gitsinzwe na Ezze Isaac ku mupira uremereye yateye mu izamu ryari ririnzwe na Niyigena Jean Bosco. Igice cya kabiri kirangira La Jeunesse ifite ibitego 2:1.

Ntwali Benjamin(GK)

Ally Cyuzuzo

Schadrack Rwakageyo

Eze Isaac

Jonathan Sibomana

Abdou Nizeyimana

Pacifique Nitotwizera

Bolili Stephane Loma

Erick Dushimimana

Regis Irababazi

David Duncan Ahebwa Junior

Niyigena Jean Bosco(GK)

Ntezukwigira Jean Bosco(Captain)

Izabayo Elias

Karihungu Nganizi

Nsanzimana Elias

Murindwa Everiste

Ndayishimiye Adenda

Gumisiriza Sam

Nyirigira Antoine

Iduhire Gloire

Senkunda Christian

Moise, Mike, Emmanuel, Alex, Pacifique, Kevin na Julius

Abafana bitabiriye uyu mukino wa La Jeunesse na Unity SC batangarije BTN ko batashye banyuzwe bitewe nuko babonye umukino mwiza waranzwe n'ubuhanga bw'abakinnyi ndetse n'amayeri y'abatoza aho byagaragaye ko mu cyiciro cya Kabiri harimo impano zo guhanga amaso cyane.

Iyi kipe yo mu Karere ka Bugesera, Unity SC nyuma yo kwemererwa gukina Shampiyona y'icyiciro cya Kabiri isimbuye ikipe ya Gasabo United, yaratunguranye kubera imbaraga n'intsinzi yatangiranye cyane ko abayikinira bagiye bakurwa hirya no hino bitandukanye n'abari bayisanzwemo bari bagiye mu yandi makipe nyuma yo kumenya ko batemerewe gukina iyi Shampiyona.

Kugeza ubu ikipe ya La Jeunesse FC ifite abafana batari bake, izacakirana na Musanze FC mu gikombe cy'Amahoro mu mukino iuzabera kuri Sitade Ubworoherane ku wa Gatatu, ikomeje kuyobora urutonde n'amanota 25 mu itsinda rya Mbere aho ikurikiwe na Etoile de l'Est mu gihe ikipe ya Unity SC yagumye ku mwanya wa 3 n'amanota 18 izakina na AS Kigali FC ku wa Gatatu mu gikombe cy'Amahoro kuri Kigali Pelé Stadium.

Amafoto: Arsene Furaha