Yanditswe na: TUYIZERE Mubaraka
26/12/2025 10:41
Impuzamashyirahamwe y'umupira w'amaguru muri Afurika CAF , yaciye ikipe y'igihugu ya Misiri ibihumbi bitanu ($5000) by'amaforari , nyuma yo kwanga kuvugisha abanyamakuru, mu gihe amakipe nka AS FAR yaciwe ibihumbi 100 by'amadorali , kubera imyitwarire mibi y'abafana bayo .
Ni ibihano byatangajwe na komisiyo y'imyitwarire muri CAF, aho bahannye amakipe menshi yagaragaje imyitwarire mibi mu marushanwa yayo, ikipr y'igihugu ya Misiri ubwo yatsindaga Zimbabwe, abakinnyi n'abatoza bayo banze kuvugisha abanyamakuru , ari nabyo byatumye bacibwa aya mande, ndetse bihanangirizwa ko nibyongera bazahanwa bikomeye.
Ikipe y'igihugu ya Misiri yaciwe amande kubera gusuzugura abanyamakuru
Ikipe ya Esperance de Tunis yo yahanwe kuzakina imikino 2 nta bafana muri Stade , nyuma yuko mu mukino wa CAF Champions league bakinnye na Stade Malien , abafana bayo bakoresheje ibishashi bitemewe muri stade, iyi kipe yanaciwe ibihumbi 15 by'amadorali, indi kipe yahanwe ni Waydad Casablanca yo muri Morocco, nayo yaciwe ibuhumbi 10 by'amadorali, nayo izira ko abafana bayo bakoresheje ibishashi bitemewe n'amatoroshi atungwa abakinnyi mu maso.
Ikipe ya JS Kabylie yo yaciwe ibihumbi 35 by'amadorali , izira imyitwarire mibi y'abafana bayo ndetse n'abakinnyi bayo, mu mukino bahuyemo na Young Africans muri CAF Champions league, mu gihe ikipe ya AS FAR yo yaciwe ibihumbi 100 by'amadorali , nyuma yuko ku mukino yakonnye na Al Ahly muri CAF Champions league, abafana bayo yajugunye ibintu mu kibuga, ndetse bakoresha amatoroshyi atemewe (lasers ).
Esparance de Tunis nayo iri mu makipe yahanwe na CAF
Like This Post? Related Posts
