18:36:01
BPlus Tv
Super Fresh
Rwanda Form
KeySoft
Matelas Dodoma
M23 yafashe mpiri abasirikare ba FARDC
Yanditswe na: DUSHIMIMANA Elias
2024-12-10 13:20:14 Amakuru
Kuri uyu wa Mbere tariki ya 09 Ukuboza 2024, Nibwo i Kanyabayonga muri Teritwari ya Lubero, Umutwe wa M23 werekanye abasirikare bo mu ngabo za Repubulika Iharanira Demokarasi ya Congo (FARDC) wafatiye mu mirwano ikomeje guhanganisha impande zombi.
Lt Col Willy Ngoma, Umuvugizi w’Igisirikare cy’uyu mutwe, ni we werekanye aba basirikare bafatiwe mu mirwano ikomeye muri iriya Teritwari yari igeze ku munsi wa munani wikurikiranya isakiranya M23 n’ihuriro ry’ingabo za Leta ya Congo Kinshasa.
Amakuru avuga ko Leta ya Congo iri kwigamba gukubita ahababaza M23, n’ubwo nta gace na kamwe mu two igenzura iramburwa.
Lawrence Kanyuka uvugira ishami rya Politiki muri M23, avuga ko ibivugwa na Leta y’i Kinshasa ari "icengezamatwara" ikomeje gukora yifashishije imbuga nkoranyambaga nkuko Bwiza ibitangaza dukesha iyi nkuru.
Aberekanwe barimo Sergeant-Major Kotakota Alexis w’imyaka 45 y’amavuko, uyu akaba yarafatiwe na M23 ahitwa Myobu ndetse na Soldat du 2ème Classe Tombo Dadi na mugenzi we witwa Isaie Umbere Kamwa.
