1. Home
  2. Amakuru
  3. POLITIKI

FARDC yashenguwe n'urupfu rwa Colonel Alexis Rugabisha

Yanditswe na: DUSHIMIMANA Elias 2025-02-03 12:54:04 Amakuru

Ku Cyumweru tariki ya 02 Gashyantare umwaka wa 2025, Nibwo Ubuyobozi bw’Ingabo za Repubulika Iharanira Demokarasi ya Congo bwatangaje ko Colonel Alexis Rugabisha wari umuyobozi wa brigade ya 12 muri FARDC, yaguye ku rugamba mu mirwano na M23 muri Kivu y’Amajyepfo.

Amakuru dukesha ikinyamakuru buniaactualite, avuga ko Col. Rugabisha yarasiwe mu mirwano yabereye i Mukwija muri teritwari ya Kalehe mu Ntara ya Kivu y’Amajyepfo ku wa 1 Gashyantare 2025 nkuko itangazo ryasohowe n’Umuvugizi w’igisirikare cya FARDC, Gén. Maj. Sylvain Ekenge, ribihamya aho mu gahinda kenshi, uyu muvugizi yanditse ko uru rupfu ari igihombo gikomeye ku ngabo no ku gihugu muri rusange.

Urupfu rwa nyakwigendera Col. Rugabisha, rukurikiye urwa Pacifique Ntawunguka (Omega) wari Umuyobozi w’ishami rya gisirikare rya FDLR rizwi nka FOCA (Les Forces Combattantes Abacunguzi) wanarwanaga mu ngabo za FARDC kuri uru rugamba.

Nyuma yo gutakaza abasirikare benshi ku rugamba, FARDC yambuwe Umujyi wa Goma ku wa 26 Mutarama 2025, n’ibindi bice byo muri Kivu y’Amajyaruguru.

Related Post