Ikipe y'igihugu y'uRwanda yazamutse ku rutonde rwa FIFA

Ikipe y'igihugu y'uRwanda "Amavubi " yazamutse imyanya 3 , ku rutonde ngaruka kwezi rwa FIFA , iva ku mwanya wi 130 ijya ku mwanya wi 127, mu gihe Argentina yakomeje kuyobora uru rutonde .

Mu gitondo cyo kuwa kane taliki ya 10 Nyakanga 2025 , nibwo FIFA yatangaje uko amakipe y'ibihugu akurikirana , ku rutonde rwayo ngaruka kwezi , ikipe y'igihugu y'uRwanda,  yisanze ku mwanya wi 127 ivuye ku mwanya wi 130 , ku rutonde ruheruka , Amavubi , aheruka gutsindwa imikino 2 na Algeria mukwezi gushize ,gusa ntibyatumye itazamuka kuri uru rutonde .

Gutsindwa na Algeria ntabwo byatumye uRwanda ruzamuka ku rutonde rwa FIFA 

Ikipe y'igihugu ya Morocco niyo iyoboye umugabane wa Africa , ikaba iri ku mwanya wa 12 ku isi, ikipe y'igihugu ya Misiri na Cote d'Ivoire ni zimwe muzamanutse imyanya myinshi, kuko Misiri yamanutse imyanya 3 naho Cote d'Ivoire imanuka imyanya 4, ikipe y'igihugu ya Congo Brazaville , niyo yamanutse imyanya myinshi muri Africa , kuko yamanutse imyanya 7.

Ikipe y'igihugu ya Argentina yagumye ku mwanya wa mbere ku isi, Portugal izamuka umwanya 1 ijya ku mwanya wa 6 , Ubuholandi bwamanutse umwanya 1 ,Ubutaliyani bumanuka imyanya 2 , igihugu cya Costa Rica nicyo cyazamutse imyanya myinshi (14), mu gihe Maldives , Congo Brazzaville , Haiti na Jamaica aribyo bihigu byamanutse imyanya myinshi (7) .

Urutonde ngaruka kwezi rwa FIFA,  rukorwa hagendewe uko amakipe y'ibihugu yitwaye mu mikino baheruka gukina , byumvikana ko gutsindwa bitanga amahirwe macye , gusa nanone harebwa uwatsinzwe urwego ariho n'urwego rw'uwamutsinze ari nayo mpamvu nka Algeria kuba yaratsinze uRwanda nta mwanya numwe yazamutseho .

Ikipe y'igihugu ya Morocco niyo ikomeje kuyobora umugabane wa Africa 

Ikipe y'igihugu ya Argentina niyo ya mbere ku isi ku rutonde rwa FIFA