Yanditswe na: TUYIZERE Mubaraka
09/08/2025 11:47
Ikipe ya Rayon Sports yatomboye Singida Black Stars yo muri Tanzania mu ijonjora ry'ibanze , muri Caf Confederations Cup, mu gihe APR FC yatomboye Pyramids yo mu Misiri muri CAF Champions league .
Ni tombola yabaye ku gicamunsi cyo kuri uyu wa gatandatu taliki ya 9 Kanama 2025, ibera mu gihugu cya Tanzania, ikipe ya Rayon Sports niyo yabanje kumenya ikipe bazahura ,aho yatomboye Singida Black Stars, yabaye iya 4 muri shampiyona ya Tanzania .
Ikipe ya Rayon niramuka itsinze Singida Black mu ijonjora ry'ibanze izakina nizatsinda hagati ya Frambeau du Centre yo mu Burundi, n'ikipe izahagararira Libya ,imikino ibanza izaba hagati ya taliki 19 na 21 nzeri, mu gihe iyo kwishyura izaba hagati ya taliki 26 na 28 Nzeri 2025.
Rayon Sports yatomboye Singida Black Stars yo muri Tanzania
Ikipe ya APR FC nayo yaje kumenya iyo bazahura , aho izakina na Pyramids FC yo mu Misiri, iyi kipe ikaba ari inshuro ya 3 yikurikiranya itombora Pyramids, gusa inshuro 2 ziheruka , bahuriraga mu ijonjora rya 2.
Ikipe izatsinda hagati ya APR FC na Pyramids FC , izakina nizatsinda hagati ya Ethiopia Insurance yo muri Ethiopia, na Mlandege FC yo mu gihugu cya Zanzibar , cyo kimwe na CAF Confederations, imikino y'ijonjora ry'ibanze muri CAF Champions league iteganyijwe hagati ya taliki 19 na 21 Nzeri ku mikino ibanza , iyo kwishyura iteganyijwe hagati ya taliki 26 na 28 Nzeri 2025.
APR FC yongeye kwisanga izakina na Pyramids FC yo mu misiri
Ni ubwa mbere kuva muri 2018, ikipe ya Rayon Sports ikonnye imikino yo mu ijonjora ry'ibanze muri CAF Confederations cup, nyuma yaho amanota yari yarakoreye ubwo yageraga muri 1/4 muri uwo mwaka , ataye agaciro , kuko amara imyaka 4 gusa ,igihe utakomeje kwitwara neza ngo uyongere.
APR FC ikomeje kwisanga yatomboye Pyramids FC, ibikomeje kuyibera ingorabahizi
Like This Post? Related Posts
