Yanditswe na: TUYIZERE Mubaraka
29/09/2025 15:04
Mbere yo gukina n'u Rwanda , ikipe y'igihugu ya Africa y'Epfo, yatewe mpaga na FIFA, nyuma yo gukinisha Teboho Mokuena kandi afite amakarita 2 y'umuhondo , bituma itakaza umwanya wa mbere mu itsinda C.
Kuri uyu wa mbere taliki ya 29 Nzeri 2025 , nibwo FIFA yamenyesheje ishyirahamwe ry'umupira w'amaguru muri Africa y'Epfo , ko ikipe yabo y'igihugu yakinishije umukinnyi utemerewe gukina , ubwo yakinaga na Lesotho, bityo ikaba yatewe mpaga y'ibitego 3-0, n'amande y'ibihimbi 10 by'amafaranga akoreshwa mu busuwisi , ni ukuvuga asaga gato ibihumbi 10 by'amadorali .
Gukikisha Teboho Mokuena byatumye Africa y'Epfo ihanwa
Ibi bihano bije nyuma yaho , taliki 21 Werurwe, ikipe y'igihugu ya Africa y'Epfo, yatsinze Lesotho ibitego 2-0 , mu gushaka itike y'imikino ya nyuma y'igikombe cy'isi, uyu mukino , Africa y'Epfo yakinishije Teboho Mokuena , nyamara atari yemerewe gukina , kuko yari afite amakarita 2 y'umuhondo .
Kugeza ubu Africa y'Epfo yatakaje umwanya wa mbere yari ifite mu itsinda C , aho wahise ufatwa na Benin , gusa ikaba irusha Africa y'Epfo ibitego, kugirango ikipe ya Africa y'Epfo ijye mu gikombe cy'isi, irasabwa gutsinda u Rwanda na Zimbabwe, mu gihe Benin yaba yatakaje umwe mu mikino 2 ifitanye na Nigeria n'u Rwanda, cyangwa Africa y'Epfo ikayirusha umubare w'ibitego bazigamye .
Umukino uyu musore yakinnye na Lesotho niwo watumye Africa y'Epfo itakaza amanota 3
Africa y'Epfo yatakaje umwanya wa mbere mu itsinda C
Like This Post? Related Posts
