Yanditswe na: TUYIZERE Mubaraka
14/10/2025 20:12
Ikipe y'igihugu y'uRwanda Amavubi, yatsinzwe na Africa y'Epfo 3-0, ikomeza kubabaza abanyarwanda , mugihe Africa y'Epfo yo yabonye itike yo gukina igikombe cy'isi.
Wari umukino ikipe y'igihugu y'u Rwanda yagiye gukina nta kinini ihatanira , mu gihe ikipe y'igihugu ya Africa y'Epfo yasabwaga gutsinda kugirango ibone itike, ntago byatinze kuko ku munota wa 5 gusa, ikipe y'igihugu ya Africa y'Epfo, yafunguye amazamu , ku ishoti rikomeye ryatewe na Thalente M Batha , Ntwali Fiacle umupira ananirwa kuwukuramo .
Ikipe y'igihugu ya Africa y'Epfo yakomeje kubona uburyo butandukanye , ishaka igitego cya 2, ariko ba myugariro b'ikipe y'Igihugu y'uRwanda bakomeza kwihagararaho, ku munota wa 26 ikipe y'igihugu ya Africa y'Epfo, yabonye igitego cya 2 , cyatsinzwe na Reagan Appolis , ikipe y'igihugu ya Africa y'Epfo ikomeza kwiyongerera amahirwe yo kujya mu gikombe cy'isi.
Ni umukino utoroheye ba myugariro ba Amavubi
Ikipe y'igihugu y'uRwanda , yari ifite amakosa menshi mu bwugarizi cyane cyane impande za Byiringiro Jean Gilbert na Niyomugabo Claude, iminota 10 ya nyuma y'igice cya mbere , ikipe y'igihugu y'uRwanda yatangiye guhererekanya neza ariko ntiyabasha kubona uburyo bwiza bw'igitego, igice cya mbere kirangira Afrika y'Epfo iyoboye umukino n'ibitego 2-0.
Igice cya 2 cyatangiye ikipe y'igihugu y'uRwanda igerageza gusatira, gusa ntibashe kugira icyo ikora gikanganye imbere y'izamu rya Africa y'Epfo, ikipe y'igihugu ya Africa y'Epfo yaribizi ko Nigeria yamaze gutsinda Benin, yagabanyije umuvuduko kuko ntacyo yikangaga.
Iminota 20 ya nyuma , ikipe ya Africa y'Epfo yongeye gusatira cyane , ikomeza kubifashwamo n'amakosa ya Byiringiro Jean Gilbert , ku munota wa 72 Evidence Makgopa , yatsinze igitego cya 3 cya Africa y'Epfo, ku mupira wari utewe na Reagan Appolis kuri koroneri , ku munota wa 81 Abedi Biramahire yagerageje uburyo, ariko ishoti rikomeye yari ateye, rifata igiti cy'izamu , ndetse iminota yakurikiye nta kipe yagize icyo ikora gifatika , umukino urangira ikipe y'igihugu ya Africa y'Epfo itsinze ibitego 3-0 , ndetse ibona itike y'imikino ya nyuma y'igikombe cy'isi.
Amakosa yari menshi kuri Byiringiro Jean Gilbert wakinaga umukino we wa mbere mu ikipe y'igihugu Amavubi
Like This Post? Related Posts
