• Amakuru / POLITIKI


Kuri uyu wa Gatandatu, Perezida Umaro Sissoco Embalo wavanwe ku butegetsi muri Guinea-Bissau yageze mu murwa mukuru wa Repubulika ya Congo, Brazzaville, nyuma y’iminsi mike igisirikare gifashe ubutegetsi, nk’uko bamwe mu bamwegereye babitangarije Reuters.

Ku wa Gatatu, abasirikare bahiritse Guverinoma ya Embalo mbere y’uko ibyavuye mu matora y’umukuru w’igihugu n’abadepite bishyirwa ahagaragara, byongera urugero rw’imidugararo ishingiye kuri politiki muri leta ntoya ivuga Igiporutugali.

Embalo yabanje kuva i Bissau yerekeza mu gihugu cy’abaturanyi cya Senegal mu ndege idasanzwe, mu gihe ku wa Kane abasirikare bakuru bashyizeho General Major Horta Inta-a nka perezida w’inzibacyuho.

Uwatanze amakuru utifuje ko izina rye ritangazwa, yemeje ko Embalo ari i Brazzaville ntiyatanga ibisobanuro birambuye. AFP yari yatangaje aya makuru mbere, ibikesha bamwe mu bagize Guverinoma ya Congo.

Like This Post? Related Posts
Andika igitekerezo
Recent Comments