• SG w’Umuryango FPR Inkotanyi Amb.Christophe Bazivamo, yakiriye mu biro bye Ambasaderi wa Israel mu Rwanda

Umunyamabanga Mukuru w’umuryango FPR Inkotanyi Amb. Christophe Bazivamo yakiriye mu biro bye Ambasaderi wa Leta ya Israel mu Rwanda, Nyakubahwa Amb. Einat Weiss.

Muri uwo mubonano wabaye  Ku wa Kabiri tariki ya 3 Gashyantare,, impande zombi zaganiriye ku ngingo zifitiye inyungu ibihugu byombi, ari byo Leta ya Israel na Repubulika y’u Rwanda, ndetse ziyemeza gushakisha no kwagura andi mahirwe mashya y’ubufatanye.

Abayobozi bombi bashimangiye ko u Rwanda na Israel bifitanye umubano mwiza w’igihe kirekire, ushingiye ku bufatanye mu nzego zitandukanye zirimo politiki, iterambere, ikoranabuhanga n’umutekano, amahugurwa y’inzego zishinzwe umutekano, hamwe no gusangira ubunararibonye mu kurwanya iterabwoba. n’izindi.

Ibihugu byombi kandi bisanzwe bifatanya mu bijyanye Mu burezi, Abanyarwanda bamwe babona amahirwe yo kwiga no guhugurirwa muri Israel. Hari kandi imishinga ifasha mu rwego rw’ubuzima n’ikoranabuhanga rikoreshwa mu buvuzi.

Mu bijyanye n’ubucuruzi, umubano uragenda urushaho kwaguka, kuko ibigo byo muri Israel bikomeje gushora imari mu Rwanda, cyane cyane mu ikoranabuhanga, ubuhinzi n’ingufu.

Uyu mubonano ugaragaza ubushake bw’impande zombi bwo gukomeza guteza imbere umubano w’ibihugu byombi, hagamijwe inyungu rusange n’iterambere rirambye.

Like This Post?

• Share On:

Related Posts

---