• Samusure yashimiye Niyonizera Judith wamufashije kwishyura amadeni yarafite

Umukinnyi wa filime, Kalisa Ernest benshi bazi nka ‘Samusure’ yagarutse mu Rwanda nyuma y’imyaka irenga itatu yari amaze yarahungiye muri Mozambique ashimira  Niyonizera Judith wahoze ari umugore wa Safi Madiba

Samusure yageze i Kigali kuri uyu wa Kane, tariki ya 12 Gashyantare 2025, yakirwa n’inshuti n’abavandimwe ndetse na nyina umubyara ku Kibuga cy’Indege cya Kanombe.

Mu mashusho yasakaye ku mbuga nkoranyambaga agaragaza Samusure ahoberana Nyina umubyara wari umutegereje ku kibuga cy’indege, ibyishimo n’urukumbuzi rwinshi.

Akigera mu Rwanda, Samusure avuga ko yishimiye gutaha mu Rwanda ndetse no kongera guhoberwa n’Abanyarwanda.

Ati” Nta hantu hashobora kukurutira iwanyu, nk’ubu ngubu sinzi niba hari ikindi gihugu nshobora kwinjiramo ngo mbone abantu bampobera gutya. Ibi mwavugaga ngo by’abagore benshi banyakiriye mu by’ukuri birancimishije.”

Samusure yari yarahungiye muri Mozambique muri Gicurasi 2023, ndetse yigeze gutangaza ko yahunze ubwo yari amenye ko uwo yagujije amafaranga atangiza filime ya ‘Makuta’ yamureze mu nyiko.

Samusure yavugaga ko yagiye ahunze aya madeni ndetse n’igifungo gisubitse yari yarakatiwe n’urukiko.

Nyuma uyu mukinnyi wa filime yakoresheje imbuga nkoranyambaga atakambira abakunzi be mu Rwanda ko bamufasha kwishyura iryo deni yari abereyemo uwitwa Umutoni.

Niyonzima Judith niwe waje kugoboka Samusure amufasha kwishyura iri deni rya miliyoni zirenga zirindwi, ziyongeraho izindi eshatu yari yaraciwe n’urukiko nk’ihazabu, nuko amaze kwishyura Umutoni yandikira urukiko arumenyesha ko Samusure yamaze kumwishyura.

Samusure ubwo yari i Maputo muri Mozambique, ubuzimwa ntibwari bwifashe neza bitewe nuko yagiye atunguwe ndetse agasiga ateje ibyo yari atunze ngo abone itike igerayo.

Icyakora amakuru yizewe agera ku Umunota, ni uko uyu mukinnyi wa filime yakomeje kujya akora ibiraka byo kuvugira inka mu Banyarwanda bakora ubukwe muri Mozambique, cyane ko ari ibintu yari asanzwe akora neza mu Rwanda.

Uyu mukinnyi ahamya ko agarutse mu Rwanda gukomeza gukina filime ari nazo zatumye amenyekana.

 

Like This Post?

• Share On:

Related Posts

---