• Kenya : Umudepite mubaguye mu mpanuka y’indege yahitanye 6

Impanuka ya kajugujugu yabaye ku wa Gatandatu mu burengerazuba bwa Kenya yahitanye abantu batandatu, barimo n’umwe mu bagize Inteko Ishinga Amategeko, nk’uko byatangajwe na polisi n’abayobozi ba let abo mu gace yabereyemo .

Iyo kajugujugu yakoze impanuka mu Ntara ya Nandi, mu gace ka North Rift. Icyateye iyo mpanuka nticyahise kimenyekana. Gusa umuyobozi wa polisi muri iyo ntara, Samuel Mukusi, yatangarije televiziyo ya Kenya yitwa Citizen TV ko uwo mudepite, umupilote n’abandi bantu bane bahasize ubuzima.

Perezida wa Kenya, William Ruto, yagaragaje ko uwo mudepite ari Johana Ng'eno, wari uhagarariye agace ka Emurua Dikirr, mu butumwa yashyize ku rubuga rwa X.

Yagize ati: “Ibitekerezo byacu n’amasengesho byacu biri kumwe n’umuryango we, inshuti ze, abaturage ba Emurua Dikirr, ndetse n’abandi bose bagizweho ingaruka n’iyi mpanuka ya kajugujugu yabereye i Mosop, mu Ntara ya Nandi.”

Abandi bari bari muri iyo kajugujugu ntibaramenyekana amazina yabo.

 

Like This Post?

• Share On:

Related Posts

---