• Cambodia :Imbeba yamenyekanye nka Magawa izwi mu gutegura ibisasu yubakiwe ikibumbano

Imbeba yamamaye mu gutegura ibisasu ikanahabwa umudali wa zahabu kubera ubwo butwari, yongeye gushimwa ubwo ku nshuro ya mbere imbeba itegura ibisasu yubakiwe ishusho y'icyubahiro.

Magawa, yabayeho imyaka umunani, yabashije kwinukiriza maze yerekana ahantu hari mine zirenga 100 n'ibindi biturika muri Cambodia mu myaka itanu yamaze ikora ako kazi kuva mu 2016.

Ishusho nini yacuzwe mu ibuye ryo muri ako gace yakozwe n'abanyabugeni yamuritswe mu mujyi wa Siem Reap muri Cambodia ku wa gatanu tariki 04 Mata(4), ku munsi mpuzamahanga wahariwe kuzirikana ububi bwa mine.

Mine zitegwa mu butaka ziracyari ikibazo muri Cambodia, naho ku isi ONU ivuga ko abantu barenga miliyoni bagikorera kandi bakaba ku butaka butezwemo za mine zitaraturika.

Magawa, imbeba yavukiye muri Kaminuza y'ubuhinzi ya Sokoine yo mu mujyi wa Morogoro muri Tanzania yatojwe n'umushinga w'ababiligi wa Apopo mbere yo kujyanwa muri Cambodia mu 2016 gufasha gutahura ahari ibisasu ikoresheje kwinukiriza.

Ikoresheje ubushobozi bukomeye yari ifite bwo kugaragaza ahari ibiturika, Magawa yahita iburira abashinzwe kubitegura bakabihakura neza.

Mu gihe cyayo, iyi figi yabashije gukiza mine n'ibindi biturika ahantu hari ku buso bwa metero kare zirenga 141,000 hangana n'ibibuga 20 by'umupira w'amaguru.

 

Like This Post?

• Share On:

Related Posts

---