• Perezida Kagame yagiranye ibiganiro n’Umuyobozi Mukuru wa UNESCO i Paris

 Perezida Paul Kagame yagiranye ibiganiro na Khaled El-Enany, Umuyobozi Mukuru w’Ishami ry’Umuryango w’Abibumbye ryita ku Burezi, Ubumenyi, Umuco n’Itumanaho (UNESCO).

Ibiganiro by’aba bayobozi byabaye mbere y’Inama Mpuzamahanga yiga ku byerekeye ibyogajuru n’ikirere, International Space Summit, iri kubera i Paris.

Mu biganiro byabo, Perezida Kagame na Khaled El-Enany bibanze ku bufatanye hagati y’u Rwanda na UNESCO, cyane cyane mu nzego z’ingenzi zirimo uburezi, ubumenyi n’ikoranabuhanga, kubungabunga umurage ndangamuco ndetse no kubika no kubungabunga amateka n’urwibutso.

U Rwanda rukorana na UNESCO mu bikorwa bigamije guteza imbere uburezi n’ubumenyi, guteza imbere ikoranabuhanga ndetse no kurinda umurage ndangamuco n’amateka bifite agaciro ku Rwanda no ku ruhando mpuzamahanga.

Ibiganiro bya Perezida Kagame n’Umuyobozi Mukuru wa UNESCO bibaye mu gihe u Rwanda rukomeje gushimangira uruhare rw’ubumenyi, ikoranabuhanga n’ubufatanye mpuzamahanga mu guteza imbere igihugu.

Like This Post?

• Share On:

Related Posts

---