Yanditswe na: NDAYISENGA Clement
29/09/2026 00:16
Mu Murenge wa Juru, mu Karere ka Bugesera, haravugwa inkuru y’akababaro y’umugabo n’umugore bishwe batemwe, mu gihe abantu babiri bakekwaho kugira uruhare muri ubu bwicanyi bamaze gutabwa muri yombi.
Iyi nkuru y'akababaro yamenyekanye kuri uyu wa Mbere, tariki ya 28 Nzeri 2026, mu Mudugudu wa Tabarari, mu Kagari ka Mugorore, mu Murenge wa Juru, mu Karere ka Bugesera, mu Ntara y'Iburasirazuba.
Amakuru avuga ko umwe mu bakekwa ari umugabo w’uwishwe ndetse n'umgore w'umugabo wishwe, ndetse hakaba hakekwa ko yaba yarakoze ubu bwicanyi nyuma yo gushinja umugore we gusambana n’uwo mugabo bicanwe.
Abaturiye aho byabereye bavuga ko abo bakekwa bashobora kuba barishe aba bantu bombi babatemye, gusa iperereza rirakomeje kugira ngo hamenyekane neza uko ubwo bwicanyi bwakozwe n’impamvu yabwo.
Abakekwaho kugira uruhare muri ubu bwicanyi bamaze gufatwa, mu gihe imirambo y’abishwe yajyanywe ku Bitaro bya ADEPR Nyamata kugira ngo ikorerwe isuzuma mbere y'uko ishyingurwa.
Icyaha cy’ubwicanyi buturutse ku bushake bakurikiranyweho, giteganywa kandi kigahanishwa ingingo ya 107 y’Itegeko No 68/2018 ryo ku wa 30/08/2018, riteganya ibyaha n’ibihano muri rusange. Nikibahama, bazahanishwa igihano cy'igifungo cya burundu.
