• U Rwanda rwitabiriye Inama Nyafurika y’Abagaba Bakuru b’Ingabo i Kampala

U Rwanda rwitabiriye Inama Nyafurika y’Abagaba Bakuru b’Ingabo iri kubera i Kampala muri Uganda, aho abayobozi bakuru mu nzego z’ingabo baturutse mu bihugu bitandukanye bya Afurika bateraniye hamwe iKampala muri Uganda baganira ku bibazo by’umutekano ku mugabane.

Iyi nama yatangiye kuri uyu wa Mbere, ikaba ihuje abahagarariye ibihugu 18 bya Afurika. Mu biganiro byayo, hibandwa ku bikorwa bya gisirikare bitandukanye, imirwano n’ibindi bibazo by’umutekano bikomeje kugaragara mu bice bitandukanye by’umugabane.

Abitabiriye iyi nama kandi baraganira ku buryo ibihugu bya Afurika byakomeza kongera ubushobozi bw’ingabo zabyo, kugira ngo zishobore guhangana n’ibibazo by’umutekano bigenda bihinduka ndetse n’iterabwoba rishobora kuvuka mu bihe bitandukanye.

Hazigirwamo kandi ku gukoresha uburyo bujyanye n’ibihe bigezweho mu bikorwa bya gisirikare, hagamijwe ko ingabo z’ibihugu bya Afurika zirushaho kugira ubushobozi bwo gutabara no guhangana n’ibibazo by’umutekano mu buryo bwihuse kandi bunoze.

Iyi nama ibaye mu gihe Afurika ikomeje guhura n’ibibazo bitandukanye by’umutekano, birimo amakimbirane n’imirwano mu bice bimwe na bimwe by’umugabane, ndetse n’ibindi bibazo bisaba ubufatanye n’ubushobozi buhagije bw’inzego z’umutekano.

Kuba u Rwanda ruyitabiriye bigaragaza uruhare rw’igihugu mu biganiro n’ubufatanye bigamije gushimangira umutekano ku mugabane wa Afurika, ndetse no gusangira ubunararibonye n’ibindi bihugu ku bijyanye no guhangana n’ibibazo by’umutekano.

 

Like This Post?

• Share On:

Related Posts

---